സിനിമയിലേതുപോലെ സീരിയല്‍ രംഗത്ത് സ്ത്രീകള്‍ക്ക് നേരെ ലൈംഗിക അതിക്രമം നടക്കുന്നില്ലെന്ന് നടി കാമ്യ പഞ്ചാബി. ഏറ്റവും സുരക്ഷിതമായ തൊഴില്‍ മേഖലയാണ് ടെലിവിഷനെന്നും അവസരത്തിനായി കൂടെ കിടക്കാന്‍ ആരും പറയാറില്ലെന്നും നടി വ്യക്തമാക്കി.

ടെലിവിഷന്‍ രംഗം വളരെ ക്ലീന്‍ ആണ്. മുന്‍പ് എങ്ങനെയായിരുന്നു എന്ന് എനിക്കറിയില്ല. പക്ഷേ ഇപ്പോള്‍ വളരെ മികച്ചതാണ്. വൃത്തികേടുകളൊന്നും ഇവിടെയില്ല. ആളുകള്‍ ഭീഷണിപ്പെടുത്തുകയോ ബലംപ്രയോഗിക്കുകയോ ഇല്ല. കാസ്റ്റിങ് കൗച്ച് ഇല്ല. നിങ്ങള്‍ ഒരു കഥാപാത്രത്തിന് ചേര്‍ന്ന ആളാണെങ്കില്‍ കഴിവുണ്ടെങ്കില്‍ തെരഞ്ഞെടുക്കപ്പെടും. വിനോദ മേഖലയില്‍ ഏറ്റവും സുരക്ഷത മേഖലയാണ് ടെലിവിഷന്‍. ലൈഗിക പീഡനങ്ങള്‍ ഇവിടെ നടക്കാറില്ല. പരസ്പര സമ്മതത്തോടെയാണ് എല്ലാം സംഭവിക്കുന്നത്.- കാമ്യ കൂട്ടിച്ചേര്‍ത്തു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഒരു വേഷം കിട്ടാന്‍ കൂടെ കിടക്കണമെന്ന് ഇവിടെ ആരോടും പറയില്ല. എന്നാല്‍ ചില നടന്മാര്‍ക്ക് പെണ്‍കുട്ടികളോട് അടുപ്പം കാണിക്കാറുണ്ട്, എന്നാല്‍ ആരും ആരെയും നിര്‍ബന്ധിക്കാറില്ല. ചില ആളുകള്‍ക്ക് ഇത്തരത്തില്‍ അനുഭവം ഉണ്ടായെന്ന് പറയാറുണ്ട്. പക്ഷേ അപ്പോഴും ഒരു പെണ്‍കുട്ടി ആഗ്രഹിക്കുന്നില്ലെങ്കില്‍ അത് സംഭവിക്കില്ല. ടെലിവിഷന്‍ രംഗത്ത് അത് സംഭവിക്കില്ല പക്ഷേ സിനിമയിലും ഒടിടിയിലും എങ്ങനെയാണ് എന്ന് എനിക്ക് അറിയില്ല.- കാമ്യ പറഞ്ഞു.