നടനും ഭർത്താവുമായി അജിത്തിനെ ചേർത്ത് പിടിച്ച് നിൽക്കുന്ന ശാലിനി, ഇൻസ്റ്റാ​ഗ്രാമിൽ പങ്കുവെച്ച ഈ ബ്ലാക്ക് ആന്റ് വൈറ്റ് ചിത്രമാണ് ഇപ്പോൾ സമൂഹമാധ്യമങ്ങളിൽ വൈറൽ. സിനിമയ്‌ക്കുള്ളിലെ പ്രണയം ജീവിതത്തിൽ പകർത്തിയ താരങ്ങളെ കോളിവുഡിലെ എവർ​ഗ്രീൻ കപ്പിൾസ് എന്നാണ് അറിയപ്പെടുന്നത്.

ഇന്നലെയായിരുന്നു താരങ്ങളുടെ 23-ാം വിവാഹ വാർഷികം. വാർഷിക ദിനത്തിൽ ശാലിനി പങ്കുവെച്ച ഈ ചിത്രം ആരാധകരുടെ ഹൃദയം കീഴടക്കിയിരിക്കുകയാണ്. '23 വർഷങ്ങൾ' എന്ന ക്യാപ്‌ഷനോടെയാണ് നടി ചിത്രം പങ്കുവെച്ചിരിക്കുന്നത്.

ഇതിനോടകം മൂന്ന് ലക്ഷത്തിലധികം ആളുകളാണ് ചിത്രം ലൈക്ക് ചെയ്‌തത്. നിരവധി ആരാധകർ ചിത്രത്തിന് താഴെ താരങ്ങൾക്ക് വിവാഹ വാർഷികാശംസകൾ അറിയിച്ചു. ഈ ചിത്രം കാണുമ്പോൾ ഏറെ സന്തോഷം തോന്നുന്നുവെന്ന് ആരാധകർ കമന്റുകൾ.

അടുത്തിടെയാണ് ശാലിനി ഇൻസ്റ്റാ​ഗ്രാമിൽ അക്കൗണ്ട് തുടങ്ങിയത്. അജിത്തിനും മക്കൾക്കുമൊപ്പമുള്ള ചിത്രങ്ങളും വിഡിയോകളും താരം പങ്കുവെക്കാറുണ്ട്. അമര്‍ക്കളമെന്ന ചിത്രത്തിലായിരുന്നു അജിത്തും ശാലിനിയും ആദ്യമായി ഒന്നിച്ച് അഭിനയിച്ചത്. ആ ചിത്രത്തിന് ശേഷം ഇരുവരും പ്രണയത്തിലാകുകയായിരുന്നു. 2000 ഏപ്രിൽ 24നായിരുന്നു ഇവരുവരുടെയും വിവാഹം. 

ഈ വാര്‍ത്ത കൂടി വായിക്കൂ 

"സഹിക്കാൻ പറ്റാത്ത ആളുകളുമായി സഹകരിക്കില്ല"; ശ്രീനാഥ് ഭാസിക്കും ഷെയ്ൻ നിഗത്തിനും വിലക്ക്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ