ശങ്കർ സംവിധാനം ചെയ്യുന്ന പുതിയ ചിത്രമാണ്​ ​ഗെയിം ചെയ്ഞ്ചർ. ബി​ഗ് ബജറ്റിലൊരുങ്ങുന്ന ചിത്രത്തിൽ റാം ചരൺ ആണ് നായകനായെത്തുന്നത്. ഇപ്പോഴിതാ ​ഗെയിം ചെയ്ഞ്ചറിലേക്ക് എന്തുകൊണ്ടാണ് റാം ചരണിനെ തിരഞ്ഞെടുത്തത് എന്ന് പറയുകയാണ് ശങ്കർ. ആഴത്തിലുള്ള പെർഫോമൻസും മികച്ച സ്ക്രീൻ പ്രെസൻസും കാരണമാണ് റാം ചരണിനെ ചിത്രത്തിലേക്ക് കാസ്റ്റ് ചെയ്തതെന്നാണ് ശങ്കർ പറയുന്നത്.

'നമ്മൾ നോക്കുമ്പോൾ തന്നെ അദ്ദേഹത്തിന്റെ ഉള്ളിലെ ശക്തിയെ അദ്ദേഹം നിയന്ത്രിക്കുന്നതായി നമ്മുക്ക് തോന്നും. പക്ഷേ ആവശ്യമുള്ളപ്പോൾ മാത്ര‌മാണ് അദ്ദേഹം അത് പുറത്തെടുക്കുക. നല്ലൊരു കലാകാരനായതുകൊണ്ട് തന്നെ ആഴത്തിലുള്ള പെർഫോമൻസ് അദ്ദേഹത്തിൽ നിന്ന് കാണാം. നല്ല സ്ക്രീൻ പ്രെസൻസും അദ്ദേഹത്തിനുണ്ട്. ഏതു തരത്തിലുള്ള സീനായാലും വളരെ മനോഹരമായി അദ്ദേഹം അത് കൈകാര്യം ചെയ്യും.

റാം ചരൺ ചിത്രത്തിന്റെ ഭാ​ഗമായാൽ നന്നായിരിക്കുമെന്ന് ദിൽരാജുവാണ് പറയുന്നത്. എനിക്കും അത് നന്നായിരിക്കുമെന്ന് തോന്നി. എന്റെ ചില കഥകളൊക്കെ ഏതൊരു നായകനും ചെയ്യാൻ പറ്റുന്ന പോലെയുള്ള യൂണിവേഴ്സൽ കാരക്ടേഴ്സ് ​ആയിരിക്കും. അതുകൊണ്ട് തന്നെ ഒരു ബി​ഗ് ഹീറോയ്ക്ക് അത് പെർഫെക്ട് ആകുകയും ചെയ്യും'.-ശങ്കർ പറഞ്ഞു. ആർആർആറിന്റെ വിജയത്തിന് മുൻപ് തന്നെ ​ഗെയിം ചെയ്ഞ്ചറിലേക്ക് റാം ചരണിനെ തീരുമാനിച്ചിരുന്നുവെന്നും ശങ്കർ കൂട്ടിച്ചേർത്തു.

തമിഴ് സംവിധായകന്‍ ശങ്കര്‍ ദയാല്‍ അന്തരിച്ചു

ഒരു ഐഎഎസ് ഉദ്യോഗസ്ഥന്റെ വേഷത്തിലാണ് ചിത്രത്തിൽ റാം ചരണെത്തുക. കിയാര അദ്വാനി, എസ്ജെ സൂര്യ, സമുദ്രക്കനി, അഞ്ജലി, നവീൻ ചന്ദ്ര, സുനിൽ, ശ്രീകാന്ത് എന്നിവരും ചിത്രത്തിൽ പ്രധാന വേഷങ്ങളിൽ അഭിനയിക്കുന്നു. തമൻ ആണ് ചിത്രത്തിന് സംഗീതമൊരുക്കുന്നത്. ജനുവരി 10 ന് ചിത്രം തിയറ്ററുകളിലെത്തും. തെലുങ്ക്, തമിഴ്, ഹിന്ദി ഭാഷകളിലാണ് ചിത്രം പുറത്തിറങ്ങുക.