നടി രശ്മിക മന്ദാനയും വിജയ് ദേവരകൊണ്ടയും പ്രണയത്തിലാണെന്ന തരത്തിൽ ​ഗോസിപ്പുകൾ പ്രചരിക്കാൻ തുടങ്ങിയിട്ട് നാളുകളേറെയായി. എന്നാൽ ഇതുവരെ ഇരുവരും പ്രണയത്തേക്കുറിച്ച് എവിടെയും തുറന്നു പറഞ്ഞിട്ടില്ല. അടുത്തിടെ ഇരുവരും ഒന്നിച്ചൊരു റസ്റ്റൊറന്റിലിരുന്ന് ഭക്ഷണം കഴിക്കുന്നതിന്റെ ചിത്രങ്ങളും സോഷ്യൽ മീഡിയയിൽ വൈറലായി മാറിയിരുന്നു.

ഏറ്റവുമൊടുവിൽ പുഷ്പ 2 കാണാനായി വിജയ് ദേവരകൊണ്ടയുടെ കുടുംബത്തിനൊപ്പം രശ്മിക തിയറ്ററിലെത്തിയതും ആരാധകര്‍ക്കിടയില്‍ ചര്‍ച്ചയായി മാറിയിരുന്നു. വിജയ്‌യുടെ അമ്മ മാധവി, സഹോദരന്‍ ആനന്ദ് ദേവരകൊണ്ട എന്നിവര്‍ക്കൊപ്പമാണ് രശ്മിക സിനിമ കാണാനെത്തിയത്. ഇപ്പോഴിതാ ഗോസിപ്പുകള്‍ക്കിടെ രശ്മികയുടെ പുതിയ ചിത്രം ദ് ​ഗേൾഫ്രണ്ടിന്റെ ടീസർ പങ്കുവെച്ചിരിക്കുകയാണ് വിജയ് ദേവരകൊണ്ട.

എക്സിലൂടെയാണ് താരം ടീസർ പങ്കുവച്ചത്. ടീസറിലെ ഓരോ രംഗവും ഇഷ്ടമായെന്നും സിനിമ കാണാനുള്ള ആവേശത്തിലാണെന്നും വിജയ് ടീസർ പങ്കുവച്ച് എക്‌സില്‍ കുറിച്ചു. "ഈ ടീസറിൻ്റെ ഓരോ രം​ഗവും എനിക്ക് ഇഷ്ടമായി. സിനിമ കാണാനായി ഞാൻ വളരെ ആവേശത്തിലാണ്. ഞങ്ങളിൽ പല അഭിനേതാക്കൾക്കും അവർ ഭാഗ്യവതിയായിരുന്നു, ഞങ്ങളുടെ വലിയ വിജയങ്ങളുടെയും ഭാഗമായി.

'പെട്രോൾ പമ്പ് ഉദ്ഘാടനത്തിന് വിളിച്ചിരുന്നു, എന്തിനാണെന്ന് അറിയില്ല'; ഹണി റോസ്

ഒരു അഭിനേതാവായും താരമായും വളർന്നു. എന്നാൽ ഒരു വ്യക്തിയെന്ന നിലയിൽ, എട്ട് വർഷം മുൻപ് ഞാൻ സിനിമാ സെറ്റിൽ കണ്ട അതേ പെൺകുട്ടിയായി തുടരുന്നു. ആശംസകൾ രശ്മിക."- വിജയ് ദേവരകൊണ്ട എക്സിൽ കുറിച്ചു. രാഹുൽ രവീന്ദ്രനാണ് ദ് ​ഗേൾഫ്രണ്ട് സംവിധാനം ചെയ്തിരിക്കുന്നത്. രശ്മികയ്‌ക്കൊപ്പം ദീക്ഷിത് ഷെട്ടി, റാവു രമേഷ്, രോഹിണി എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്.