സം​ഗീത പരിപാടിക്കിടെ ​ഗാനം ആലപിക്കുന്നത് നിർത്തി ​ഗായിക ജാസ്മിൻ സാൻഡ്‌ലസ്. ഡൽ​​ഹിയിൽ വച്ച് നടന്ന സം​ഗീത പരിപാടിയിലായിരുന്നു ​ഗായികയുടെ അപ്രതീക്ഷിത നീക്കം. സദസിൽ രണ്ടു പേർ സ്ത്രീകളെ ശല്യം ചെയ്യുന്നത് കണ്ടതിനെ തുടർന്നാണ് ജാസ്മിൻ പാട്ട് നിർത്തിയത്. തുടർന്ന് രണ്ടു പേർ സ്ത്രീകളെ ഉപദ്രവിക്കുന്നുവെന്നും അവരെ മാറ്റണമെന്നും അവർ മൈക്കിലൂടെ ആവശ്യപ്പെട്ടു.

ഇതിന്റെ വിഡിയോ സോഷ്യൽ മീഡിയയിൽ വൈറലാകുകയാണ്. ധുരന്ധറിലെ ​ഗാനങ്ങളിലൂടെ ശ്രദ്ധേയ ആയ ​ഗായികയാണ് ജാസ്മിൻ. ധുരന്ധറിലെ ടൈറ്റിൽ ട്രാക്കും ഷറാത്ത് എന്ന ​ഗാനവും ആലപിച്ചിരിക്കുന്നത് ജാസ്മിൻ ആണ്. "സെക്യൂരിറ്റി ഈ രണ്ട് പേരെ ഇവിടെ നിന്ന് പുറത്താക്കൂ. ഇവർ ആ സ്ത്രീകളെ ഉപദ്രവിക്കുകയാണ്.

എന്റെ പരിപാടിയിൽ സുരക്ഷിതത്വമില്ല എന്ന് സ്ത്രീകൾക്ക് തോന്നുകയാണെങ്കിൽ ഞാൻ പാടില്ല. പ്രശ്നം പരിഹരിക്കപ്പെടുന്നതു വരെ ഞാൻ ഇതുപോലെ വെറുതെ ചുറ്റിനടക്കും".- പാട്ട് നിർത്തിയ ശേഷം മൈക്കിലൂടെ ജാസ്മിൻ പറഞ്ഞു. അതേസമയം ജാസ്മിന്റെ പ്രവർത്തിയെ അഭിനന്ദിച്ച് നിരവധി പേരാണ് രം​ഗത്തെത്തുന്നത്.

സ്ത്രീകളുടെ സുരക്ഷയും അന്തസ്സിനേക്കാളും ഒരു പ്രകടനവും പ്രധാനമല്ല., പൊതു ഇടങ്ങളിൽ ഓരോ സ്ത്രീയും സുരക്ഷിതത്വം അനുഭവിക്കാൻ അർഹതയുള്ളവരാണ്- എന്നൊക്കെയാണ് സോഷ്യൽ മീഡിയയിൽ നിറയുന്ന കമന്റുകൾ. അടുത്തിടെ പുറത്തിറങ്ങിയ ധുരന്ധറിലെ ​ഗാനങ്ങളെല്ലാം സൂപ്പർ ഹിറ്റായി മാറിയിരുന്നു.