കുഞ്ഞ് പിറന്ന സന്തോഷം പങ്കുവച്ച് പ്രിയ ​ഗായിക ശ്രേയ ഘോഷാൽ. ദൈവം ഒരു ആണ്‍കുട്ടിയെ നല്‍കി ദൈവം അനുഗ്രഹിച്ചെന്നും ഇതുവരെ അനുഭവിക്കാത്ത ഒരു വികാരമാണ് അതെന്നും കുറിച്ചാണ് ശ്രേയ കുഞ്ഞു പിറന്ന വാര്‍ത്ത ആരാധകരുമായി പങ്കുവച്ചത്. ഷിലാദിത്യയും താനും കുടുംബാം​ഗങ്ങളും ഏറെ സന്തോഷത്തിലാണെന്നും ശ്രേയ കുറിച്ചു. 

' ഒരു ആണ് കുഞ്ഞിനെ നല്‍കി ദൈവം ഞങ്ങളെ അനുഗ്രഹിച്ചു. ഇതുവരെ അനുഭവിക്കാത്ത ഒരു വികാരമാണിത്. ഷിലാദിത്യയും ഞാനും ഞങ്ങളുടെ കുടുംബാംഗങ്ങളും വളരെ സന്തോഷത്തിലാണ്. ഞങ്ങളുടെ ഈ സന്തോഷത്തിനായി നല്‍കിയ അനുഗ്രഹങ്ങള്‍ക്ക് നന്ദി, ശ്രേയ കുറിച്ചു. 

നീണ്ട നാളത്തെ പ്രണയത്തിന് ശേഷം 2015ലാണ് ശ്രേയയും ഷിലാദിത്യയും വിവാഹിതരാവുന്നത്. നേരത്തെ നിറവയറുമായി നില്‍ക്കുന്ന ചിത്രം പങ്കുവെച്ചുകൊണ്ട് കുഞ്ഞതിഥി വരുന്നതിനെക്കുറിച്ച് ആരാധകരെ അറിയിച്ചിരുന്നു.