ബോളിവുഡ് താരസുന്ദരി സണ്ണി ലിയോണി പ്രധാന വേഷത്തിലെത്തുന്ന തമിഴ് ചിത്രം ഓ മൈ ​ഗോസ്റ്റിലെ ടീസർ പുറത്ത്. ഹൊറർ കോമഡി ചിത്രത്തിൽ പ്രേതത്തിന്റെ റോളിലാണ് താരം എത്തുന്നത്. ഇതുവരെ കണ്ടിട്ടുള്ളതിൽ വെച്ച് ഏറ്റവും ഹോട്ട് പ്രേതമെന്ന വിശേഷണത്തിലാണ് സണ്ണിയെ അവതരിപ്പിച്ചിരിക്കുന്നത്. താരത്തിന്റെ ലുക്ക് മാത്രമല്ല ​ഗംഭീര പ്രകടനവും ആരാധകരുടെ മനം കവരുകയാണ്. 

ആർ യുവൻ തിരക്കഥ എഴുതി സംവിധാനം ചെയ്തിരിക്കുന്ന ചിത്രത്തിൽ യോ​ഗി ബാബു, സതീഷ്, രമേഷ് തിലക് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഈ വർഷം നവംബറിൽ തിയറ്ററിലൂടെയാവും ചിത്രം റിലീസിന് എത്തുക. ജാവേദ് റിയാസാണ് ചിത്രത്തിന്റെ സം​ഗീതം നിർവഹിച്ചിരിക്കുന്നത്. ദീപക് ഡി മേനോൻ ആണ് ഛായാ​ഗ്രഹണം. ഡി വീരശക്തി കെ ശശികുമാർ എന്നിവർ ചേർന്നാണ് ചിത്രം നിർമിക്കുന്നത്. 

ഈ വാര്‍ത്ത കൂടി വായിക്കൂ

സ്വന്തം രക്തം കൊണ്ട് വരച്ച ചിത്രം സമ്മാനിച്ച് ആരാധകൻ, രക്തം ദാനം ചെയ്യാൻ ഉപദേശിച്ച് സോനൂ സൂദ്; വി‍ഡിയോ​

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്‌. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ