ലിയോ റിലീസിന് മുൻപു തന്നെ തമിഴ് സിനിമാപ്രേമികൾക്കിടയിൽ സോഷ്യൽ മീഡിയ യു​ദ്ധം ശക്തമായിരുന്നു. ആരാണ് യഥാർത്ഥ സൂപ്പർസ്റ്റാർ എന്ന ചോദ്യമാണ് പലരും ഉയർത്തിയത്. തങ്ങളുടെ ഇഷ്ടതാരങ്ങൾക്ക് വേണ്ടി ആരാധകർ പരസ്പരം വഴക്കടിച്ചു. ഇപ്പോൾ ഇതാ സൂപ്പർസ്റ്റാർ വിവാദത്തിൽ തന്റെ നിലപാട് വ്യക്തമാക്കിയിരിക്കുകയാണ് നടൻ വിജയ്. 

ഒരേയൊരു സൂപ്പർസ്റ്റാറും ഉലകനായകനും തലയുമാണ് ഇവിടെയുള്ളത് എന്നാണ് വിജയ് പറഞ്ഞത്. ജനങ്ങളാണ് യഥാർത്ഥ രാജാക്കന്മാർ താൻ അവരുടെ ദളപതിയാണ് എന്നാണ് താരം വ്യക്തമാക്കിയത്. ചെന്നൈയിൽ വച്ച് നടന്ന ലിയോയുടെ സക്സസ് മീറ്റിൽ സംസാരിക്കുകയായിരുന്നു താരം. 

‘ഇവിടെ ഒരേയൊരു പുരട്ച്ചി തലൈവർ മാത്രമാണ് ഉള്ളത്. ഒരേയൊരു നടികർ തിലകം, ഒരേയൊരു പുരട്ച്ചി കലൈഞ്ജർ ക്യാപ്റ്റൻ, ഒരേയൊരു ഉലകനായകൻ, ഒരേയൊരു സൂപ്പർസ്റ്റാർ, ഒരേയൊരു തല. ജനങ്ങളാണ് ഇവിടുത്തെ രാജാക്കന്മാർ, ഞാനാണ് അവരുടെ ദളപതി.’- വിജയ് പറഞ്ഞു. സോഷ്യൽ മീഡിയയിൽ തന്റെ പേരിൽ ആരാധകർ നടത്തുന്ന യുദ്ധത്തേക്കുറിച്ചും താരം പരാമർശിച്ചു. സഹോദരന്മാരെ നമുക്ക് അത് വേണ്ട. നമുക്ക് മറ്റു പലകാര്യങ്ങളും ചെയ്തു തീർക്കാനുണ്ട് എന്നാണ് വിജയ് ആരാധകരോട് പറഞ്ഞത്. 

ലിയോ സിനിമയുമായി ബന്ധപ്പെട്ട വിവാദങ്ങളിലും താരം പ്രതികരിച്ചു. സിനിമയിലെ ന്നാ റെഡി എന്ന ​ഗാനത്തിലെ വരികൾ വിവാദമായിരുന്നു. ഇതിലായിരുന്നു താരത്തിന്റെ പ്രതികരണം. സിനിമയെ സിനിമയായി കാണണം എന്നാണ് താരം പറഞ്ഞത്. കുട്ടി കഥയിലൂടെ വലിയ സ്വപ്നങ്ങൾ കാണാൻ പഠിക്കണമെന്നും ആരാധകരോട് താരം പറഞ്ഞു. 

ഈ വാര്‍ത്ത കൂടി വായിക്കൂ 

'മമ്മൂക്ക അങ്ങനെ വിളിച്ചപ്പോൾ വയറ്റിൽ ചിത്രശലഭം പറന്നു'; പേര് മാറ്റുന്നുവെന്ന് വിൻസി അലോഷ്യസ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ