തെന്നിന്ത്യയിൽ ഏറെ ആരാധകരുള്ള താരമാണ് സാമന്ത. ജീവിത്തിലെ ഓരോ പ്രതിസന്ധികളേയും മറികടന്നാണ് താരം മുന്നോട്ടുപോകുന്നത്. നടൻ നാ​ഗ ചൈതന്യയുമായുള്ള വേർപിരിയലിനെക്കുറിച്ചെല്ലാം താരം തുറന്നു സംസാരിച്ചിരുന്നു. വിവാഹ ജീവിതത്തിൽ തന്റെ 100 ശതമാനം കൊടുത്തെന്നും എന്നാൽ ബന്ധം പരാജയമായെന്നുമാണ് താരം പറഞ്ഞത്. ഇപ്പോൾ താൻ പറഞ്ഞു എന്ന തരത്തിൽ പ്രചരിക്കുന്ന വ്യാജ വാർത്തയിൽ പ്രതികരണവുമായി എത്തിയിരിക്കുകയാണ് സാമന്ത. 

നാ​ഗ ചൈതന്യയും നടി ശോഭിത ദുലിപാലയുമായി പ്രണയത്തിലാണെന്ന തരത്തിൽ റിപ്പോർട്ടുകളുണ്ടായിരുന്നു. ഇരുവരും ഒന്നിച്ചുള്ള ഒരു ചിത്രവും പുറത്തുവന്നതോടെ അഭ്യൂഹങ്ങൾ ശക്തമായി. ഈ വിഷയത്തിൽ സാമന്ത പ്രതികരിച്ചു എന്ന തരത്തിലായിരുന്നു വാർത്തകൾ. 

ആര് ആരുമായി ബന്ധം പുലർത്തുന്നതിലും എനിക്ക് വിഷമമില്ല. പ്രണയത്തിന് വിലകൽപ്പിക്കാത്തവർ എത്ര പേരുമായി പ്രണയത്തിലായാലും കണ്ണീരിൽ അവസാനിക്കും. ആ പെണ്ണെങ്കിലും സന്തോഷിക്കണം.- എന്നും സാമന്ത പറഞ്ഞുവെന്നായിരുന്നു റിപ്പോർട്ടുകൾ. എന്നാൽ ഇതിന്റെ സത്യാവസ്ഥ വ്യക്തമാക്കിയിരിക്കുകയാണ് സാമന്ത. താൻ ഒരിക്കലും ഇങ്ങനെ പറഞ്ഞിട്ടില്ല എന്നാണ് സാമന്ത പറഞ്ഞത്. 

ശാകുന്തളയാണ് താരത്തിന്റേതായി റിലീസിന് ഒരുങ്ങുന്ന ചിത്രം. ഇതിന്റെ പ്രമോഷൻ തിരക്കിലാണ് താരമിപ്പോൾ. സാമന്തയുടേതായി നിരവധി ചിത്രങ്ങളാണ് അണിയറയിൽ ഒരുങ്ങുന്നത്. വിജയ് ദേവെരകൊണ്ടയ്ക്കൊപ്പമുള്ള ഖുശിയുടെ ഷൂട്ടിങ് പുരോ​ഗമിക്കുകയാണ്. ശിവ നിര്‍വാണയാണ് ചിത്രം സംവിധാനം ചെയ്യുന്നത്. മയോസിറ്റീസ് ബാധിച്ച് ഏറെനാളായി സിനിമയിൽ നിന്ന് മാറി നിൽക്കുകയായിരുന്നു താരം. 

ഈ വാര്‍ത്ത കൂടി വായിക്കൂ

'പൊരിച്ച മീൻ വിവാദം മാതാപിതാക്കളെ വേദനിപ്പിച്ചു, അമ്മയെ കുറ്റപ്പെടുത്തിയല്ല അന്ന് സംസാരിച്ചത്'; റിമ കല്ലിങ്കൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ