തെന്നിന്ത്യൻ സിനിമാ പ്രേക്ഷകരുടെ കാത്തിരിപ്പിന് വിരാമമിട്ട് ത​ഗ് ലൈഫ് ടീസറെത്തി. കമൽ ഹാസന്റെ 70-ാം പിറന്നാളിനോടനുബന്ധിച്ചാണ് റിലീസ് ​ടീസർ പുറത്തുവിട്ടിരിക്കുന്നത്. കോളിവുഡിലെ അടുത്ത സൂപ്പർ ഹിറ്റായിരിക്കും ചിത്രമെന്നാണ് ടീസർ കണ്ട പ്രേക്ഷകർ പറയുന്നത്. കമൽ ഹാസന്റെയും ചിമ്പുവിന്റെയും കിടിലൻ ആക്ഷൻ രം​ഗങ്ങളും ചിത്രത്തിലുണ്ടാകുമെന്ന് ടീസർ ഉറപ്പ് നൽകുന്നുണ്ട്.

കമൽ ഹാസന്റെ രണ്ട് ​മുഖങ്ങളാണ് ടീസറിൽ കാണാനാവുക. തൃഷയാണ് ചിത്രത്തിൽ നായികയായെത്തുന്നത്. ചിമ്പുവിന്റെയും കമൽ ഹാസന്റെയും ഭാ​ഗങ്ങൾ മാത്രം ഉൾപ്പെടുത്തിയ ടീസറാണ് പുറത്തുവന്നിരിക്കുന്നത്. അശോക് സെൽവൻ, ഐശ്വര്യ ലക്ഷ്മി, ജോജു ജോർജ്, അഭിരാമി, നാസർ തുടങ്ങിയവരും ചിത്രത്തിൽ പ്രധാന വേഷത്തിലെത്തുന്നുണ്ട്.

37 വർഷങ്ങൾക്ക് ശേഷം കമൽ ഹാസനും മണിരത്നവും ഒന്നിക്കുന്ന ചിത്രം കൂടിയാണ് ത​ഗ് ലൈഫ്. എആർ റഹ്മാൻ ആണ് ചിത്രത്തിന് സം​ഗീതമൊരുക്കിയിരിക്കുന്നത്. അടുത്ത വർഷം ജൂൺ അഞ്ചിനാണ് ചിത്രം തിയറ്ററുകളിലെത്തുക. മദ്രാസ് ടാക്കീസും രാജ് കമൽ ഇന്റർനാഷണലും ചേർന്നാണ് ചിത്രം നിർമ്മിച്ചിരിക്കുന്നത്.

ഗോധ്ര കൂട്ടക്കൊലയെ ആസ്പദമാക്കി സിനിമ: തനിക്ക് വധഭീഷണിയുണ്ടെന്ന് വിക്രാന്ത് മാസി

കമൽ ഹാസന്റെ പിറന്നാളിനോടനുബന്ധിച്ച് നിർമ്മാതാക്കൾ ഇന്ന് രാവിലെ ചിത്രത്തിന്റെ പുതിയൊരു പോസ്റ്ററും പുറത്തുവിട്ടിരുന്നു. കമൽ ഹാസന്റെ മുഖവും, ഒരു കുട്ടിയെ തോളിലേറ്റി പുറം തിരിഞ്ഞു നിൽക്കുന്ന കമൽ ഹാസനെയുമാണ് പുതിയ പോസ്റ്ററിൽ കാണാനാവുക.