സോഷ്യൽ മീഡിയയിൽ പ്രചരിച്ച ബാത്ത്റൂം വിഡിയോ തന്റേത് തന്നെയെന്ന് വെളിപ്പെടുത്തി നടി ഉർവശി റൗട്ടേല. പുതിയ സിനിമയ്ക്കു വേണ്ടി ചിത്രീകരിച്ച രം​ഗങ്ങളാണ് പുറത്തുവന്നത് എന്നാണ് താരം പറഞ്ഞത്. ക്ലിപ്പ് പുറത്തുവന്നത് തന്നെ അസ്വസ്ഥയാക്കിയെന്നും ഉർവശി കൂട്ടിച്ചേർത്തു.

“ആ ക്ലിപ്പ് പുറത്തുവന്നപ്പോൾ ഞാൻ വല്ലാതെ അസ്വസ്ഥയായിരുന്നു. തീർച്ചയായും അതെന്റെ വ്യക്തിജീവിതത്തിൽ നിന്നുള്ളതല്ല. ഘുസ്പൈഠിയാ എന്ന ചിത്രത്തിന്റെ ഭാ​ഗമായുള്ള രം​ഗമായിരുന്നു അത്. ഒരു സ്ത്രീയും യഥാർഥജീവിതത്തിൽ ഇങ്ങനെയൊരു സാഹചര്യത്തിലൂടെ കടന്നുപോകരുതെന്നാണ് ആ​ഗ്രഹം.– ഉർവശി പറഞ്ഞു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ദിവസങ്ങൾക്ക് മുൻപാണ് ഉർവശി റൗട്ടേലയുടെ പേരിലുള്ള വിഡിയോ പ്രചരിച്ചത്. ബാത്ത്‌റൂമില്‍ കുളിക്കാനായി എത്തുന്ന ഉര്‍വശി വസ്ത്രം മാറുന്നതായിരുന്നു വിഡിയോ. പിന്നാലെ വിഡിയോ ഡീപ് ഫേക്കാണെന്നും സിനിമ പ്രമോഷന്റെ ഭാ​ഗമാണെന്നുമുള്ള റിപ്പോർട്ടുകൾ വന്നു. അതിനിടെ ഇൻസ്റ്റ​ഗ്രാമിൽ ഫോളോവേഴ്സിനെ കൂട്ടാൻ നടി തന്നെയാണ് വിഡിയോ പുറത്തുവിട്ടതെന്നും ആരോപണങ്ങൾ ഉയർന്നിരുന്നു.