അരൺമനൈ 4 ന്റെ വിജയത്തിളക്കത്തിലാണിപ്പോൾ സംവിധായകൻ സുന്ദർ സി. തമന്നയും റാഷി ഖന്നയും സുന്ദറും പ്രധാന വേഷത്തിലെത്തിയ ചിത്രം ബോക്സോഫീസിൽ നൂറ് കോടി നേടുകയും ചെയ്തു. തന്റെ അടുത്ത പ്രൊജക്ടിനായുള്ള തയ്യാറെടുപ്പുകൾ സുന്ദർ തുടങ്ങിക്കഴിഞ്ഞു. കലകലപ്പ് 3 ആയിരിക്കും സുന്ദറിന്റെ അടുത്ത ചിത്രമെന്നാണ് റിപ്പോർട്ടുകൾ. ചിത്രത്തിന്റെ പ്രാരംഭ ചർച്ചകൾ തുടങ്ങിയതായാണ് റിപ്പോർട്ടുകൾ.

ചിത്രത്തിനായി വടിവേലുവിനെ സമീപിച്ചതായും സൂചനകൾ വന്നിരുന്നു. പുറത്തുവരുന്ന റിപ്പോർട്ടുകൾ ശരിയാണെങ്കിൽ 14 വർഷങ്ങൾക്ക് ശേഷം കലകലപ്പ് 3 യിലൂടെ സുന്ദറും വടിവേലുവും വീണ്ടും സ്ക്രീനിൽ ഒന്നിക്കും. വിന്നർ, ഗിരി, തലൈനഗരം, ലണ്ടൻ, രണ്ട്, നഗരം തുടങ്ങിയ ചിത്രങ്ങളിലാണ് മുൻപ് ഇരുവരും ഒന്നിച്ചെത്തിയത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

സുന്ദർ - വടിവേലു കോമ്പോയിലെത്തിയ ഈ ചിത്രങ്ങൾ ബ്ലോക്ക്ബസ്റ്ററുകളായി എന്നു മാത്രമല്ല ഇരുതാരങ്ങളുടെയും കെമിസ്ട്രി പ്രേക്ഷകർ ഏറ്റെടുക്കുകയും ചെയ്തു. 2012 ലാണ് കലകലപ്പ് ആദ്യ ഭാ​ഗം പുറത്തുവന്നത്. ചിത്രം തിയറ്ററുകളിൽ വൻ ഹിറ്റുമായിരുന്നു. കലകലപ്പ് 3 യിൽ വാണി ഭോജനാണ് നായികയായെത്തുക. ചിത്രത്തിന്റെ മറ്റു വിവരങ്ങൾ ഉടനെ പുറത്തുവരുമെന്നാണ് പ്രതീക്ഷ.