ദുൽഖർ സൽമാന്റെ വേഫേറർ ഫിലിംസ് നിർമ്മിച്ച്‌ ഷൈൻ ടോം ചാക്കോ, അഹാന കൃഷ്ണ എന്നിവർ പ്രധാന വേഷങ്ങളിൽ എത്തുന്ന ചിത്രം 'അടി'യുടെ ട്രെയിലർ പുറത്തുവിട്ടു. സജീവ് എന്ന കഥാപാത്രത്തെയാണ് ഷൈന്‍ ടോം അവതരിപ്പിക്കുന്നത്. ഗീതിക എന്നാണ് അഹാനയുടെ കഥാപാത്രത്തിന്റെ പേര്. 

രജിസ്റ്റര്‍ ഓഫീസില്‍ വച്ചുനടക്കുന്ന ഇവരുടെ വിവാഹവും തുടര്‍ന്നുള്ള പ്രണയനിമിഷങ്ങളുമാണ് ട്രെയിലറിന്റെ തുടക്കത്തില്‍. പിന്നീട് 'അടി' എന്ന പേര് സൂചിപ്പിക്കുന്നതുപോലെ അപ്രതീക്ഷിത രംഗങ്ങള്‍ സംഭവിക്കും. സജീവിനെ ഒരു സംഘവും പിന്തുടരുന്നതും ഇവര്‍ക്കിടയിലെ പ്രശ്‌നങ്ങളുമാണ് ചിത്രത്തിലുള്ളത് എന്നാണ് ട്രെയിലറില്‍ നിന്ന് വ്യക്തമാകുന്നത്. തന്റെ പ്രശ്‌നങ്ങള്‍ ഗീതികയില്‍ നിന്ന് മറച്ചുവയ്ക്കുന്ന സജീവ് അത് സ്‌നേഹം കൊണ്ടാണെന്നാണ് ന്യായീകരിക്കുന്നത്.

"അടി" ഏപ്രിൽ 14ന് വിഷു റിലീസായി തിയേറ്ററുകളിലേക്കെത്തുകയാണ്. ലില്ലി, അന്വേഷണം എന്നീ ചിത്രങ്ങള്‍ ഒരുക്കിയ പ്രശോഭ് വിജയനാണ് ചിത്രത്തിന്റെ സംവിധാനം. ഇഷ്‌കിന്റെ തിരക്കഥാകൃത്ത് രതീഷ് രവിയുടേതാണ് തിരക്കഥ. ധ്രുവൻ, ബിറ്റോ ഡേവിസ്, ശ്രീകാന്ത് ദാസൻ എന്നിവർ മറ്റു പ്രധാന വേഷങ്ങളിലെത്തുന്നു. 

ഈ വാര്‍ത്ത കൂടി വായിക്കൂ 

നാലര മണിക്കൂർ നീണ്ട മേക്കപ്പ്, 71കാരനായ വിജയരാഘവൻ ഇട്ടൂപ്പായി ആയത് ഇങ്ങനെ; വിഡിയോ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ