സുഡാനി ഫ്രം നൈജീരിയയില് അഭിനയിച്ചതിന് അര്ഹമായ പ്രതിഫലം ലഭിച്ചില്ലെന്ന സാമുവല് റോബിന്സണ്ണിന്റെ ആരോപണം വലിയരീതിയില് ചര്ച്ചയാവാന് കാരണം ചിത്രത്തിന്റെ അണിയറപ്രവര്ത്തകര് ഇടതുപക്ഷക്കാരായതിനാലാണെന്ന് മാല പാര്വതി. സിനിമയുടെ നിര്മാതാക്കളും അണിയറപ്രവര്ത്തകരും ഇടതുപക്ഷക്കാരാണ്. ഇവര് സാധാരണക്കാരുടെ ജീവിതമാണ് സിനിമയിലൂടെ പറയാന് ശ്രമിക്കുന്നതെന്നും മാതൃഭൂമി ന്യൂസിലെ ചര്ച്ചയ്ക്കിടെ പാര്വതി പറഞ്ഞു.
ഇടതുപക്ഷ നിലപാടുള്ളവര് എടുക്കുന്ന സിനിമകള് നിരന്തരം ആക്രമണത്തിന് ഇരയാകുന്നുണ്ടെന്നും സൗബിന് സംവിധാനം ചെയ്ത പറവ അതിന് ഉദാഹരണമാണെന്നും അവര് കൂട്ടിച്ചേര്ത്തു. സംഘപരിവാറുകാര്ക്ക് മതേതര സിനിമകളോട് അസഹിഷ്ണുതയാണെന്നും പാര്വതി ആരോപിച്ചു.
സിനിമയുടെ ചിത്രീകരണം ആരംഭിക്കുന്നതിനു മുന്പാണ് ഓരോ താരത്തിന്റെയും പ്രതിഫലം പറഞ്ഞുറപ്പിക്കുന്നത്. അതില് വിലപേശല് ആകാം. എന്തായാലും തീരുമാനം അംഗീകരിച്ച് കരാറൊപ്പിട്ട ശേഷമാണ് അഭിനയിക്കാറുള്ളത്. അങ്ങനെയിരിക്കെ സാമുവല് ഇത്തരത്തിലുള്ള ആരോപണങ്ങള് ഉന്നയിക്കുന്നത് എന്തിനാണെന്ന് പാര്വതി ചര്ച്ചയില് ചോദിച്ചു. പുതുമുഖ താരങ്ങള്ക്ക് 10 ലക്ഷം മുതല് പ്രതിഫലം ലഭിക്കുന്നില്ലെന്നും ആരെങ്കിലും തെറ്റിദ്ധരിപ്പിച്ചതായിരിക്കുമെന്നും അവര് കൂട്ടിച്ചേര്ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates