പ്രേക്ഷകരെ ആകാംക്ഷയുടെ മുള്‍മുനയില്‍ നിര്‍ത്തി അതിരന്റെ ടീസര്‍ പുറത്ത്. ഫഹദ് ഫാസില്‍ നായകനായെത്തുന്ന ചിത്രത്തില്‍ സായി പല്ലവി ഓട്ടിസം ബാധിച്ച പെണ്‍കുട്ടിയായാണ് വേഷമിടുന്നത്. കാലില്‍ ചങ്ങല കൊണ്ട് ബന്ധിക്കപ്പെട്ട്, മുടി അലക്ഷ്യമായി മുന്നിലേക്ക് വലിച്ചിട്ടാണ് സായി പല്ലവി ടീസറില്‍ പ്രത്യക്ഷപ്പെടുന്നത്.

ഓട്ടിസം ഒരു രോഗമല്ലെന്നും ഡവലപ്‌മെന്റല്‍ ഡിസോഡര്‍ മാത്രമാണെന്നും  ടീസറില്‍ പറയുന്നു. നിഗൂഢത നിറച്ചാണ് 42 സെക്കന്റുള്ള ടീസര്‍ പുറത്ത് വന്നിരിക്കുന്നത്. 

വിവേക് സംവിധാനം ചെയ്യുന്ന ചിത്രം ഏപ്രില്‍ 12 നാണ് തിയേറ്ററുകളില്‍ എത്തുന്നത്. പിഎഫ് മാത്യൂസ് തിരക്കഥയൊരുക്കുന്ന ചിത്രത്തില്‍ പ്രകാശ് രാജും രഞ്ജി പണിക്കരുമുള്‍പ്പടെ വമ്പന്‍ താരനിരയും അണിനിരക്കുന്നുണ്ട്.