ന്യൂഡൽഹി; ഇന്ത്യയുടെ മുൻ രാഷ്ട്രപതിയും ശാസ്ത്രജ്ഞനുമായിരുന്ന എപിജെ അബ്ദുൾ കലാമിന്റെ ജിവിതത്തെ ആസ്പദമാക്കി സിനിമ വരുന്നു. എപിജെ അബ്‍ദുള്‍ കലാം: ദ മിസൈല്‍ മാൻ എന്ന സിനിമയുടെ ഫസ്റ്റ് ലുക്ക് പുറത്തുവിട്ടു. കേന്ദ്ര വാര്‍ത്താവിതരണ വകുപ്പ് മന്ത്രി പ്രകാശ് ജവഡേകര്‍ ആണ് ഫസ്റ്റ് ലുക്ക് പുറത്തിറക്കിയത്.

കഠിനാദ്ധ്വാനം ചെയ്‍ത് ഉയരങ്ങളിലേക്ക് പറന്ന ഒരു മനുഷ്യന്റെ കഥയാണ് സിനിമ പറയുന്നത് എന്ന് പ്രകാശ് ജാവഡേക്കര്‍ വ്യക്തമാക്കി. ഹിന്ദി, തമിഴ് ഭാഷകളിലായിട്ടാണ് ചിത്രം ഒരുങ്ങുന്നത്. പരേഷ് റാവൽ അബ്‍ദുള്‍ കലാമായി വേഷമിടുമെന്നാണ് പുറത്തുവരുന്ന റിപ്പോർട്ടുകൾ. ഈ വർഷം അവസാനത്തോടെ ചിത്രം തീയെറ്ററിൽ എത്തും. ഫാഷന്‍, ട്രാഫിക് സിഗ്നല്‍ തുടങ്ങിയ ചിത്രങ്ങളുടെ സംവിധായകനായ മധുര്‍ ഭണ്ഡാര്‍കറും തടങ്ങിൽ പങ്കെടുത്തു. ചിത്രത്തിലെ മറ്റ് അഭിനേതാക്കള്‍ ആരൊക്കെയാണ് എന്ന് പുറത്തുവിട്ടിട്ടില്ല. ജഗദീഷ് ധനേതി, സുവര്‍ണ പപ്പു, ജോണ്‍ മാര്‍ട്ടിന്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.