കൊച്ചി: താരസംഘടനയായ അമ്മയില്‍ നേതൃമാറ്റം വേണ്ടെന്ന് നടന്‍ പൃഥ്വിരാജ്. ഇപ്പോഴുള്ള മുതിര്‍ന്നവര്‍ തന്നെ അമ്മയുടെ നേതൃത്വത്തില്‍ തുടരണമെന്ന് പൃഥ്വിരാജ് അഭിപ്രായപ്പെട്ടു.

അമ്മയില്‍ നേതൃമാറ്റം വേണമെന്ന് താന്‍ ആവശ്യപ്പെട്ടതായ റിപ്പോര്‍ട്ടുകള്‍ തെറ്റാണ്. അങ്ങനെയൊരു ആവശ്യം ഉന്നയിച്ചിട്ടില്ല. കാലഘട്ടത്തിന് അനുസരിച്ച് നിലപാടുകളില്‍ മാറ്റം വേണ്ടിവന്നേക്കാം. അങ്ങനെ മാറുകയാണ് വേണ്ടത്. അതിന് അര്‍ഥം നേതൃമാറ്റം വേണമെന്ന് അല്ലെന്നും പൃഥ്വിരാജ് മാധ്യമങ്ങളോടു പറഞ്ഞു. 

ദിലീപിന്റെ അറസ്റ്റിനെക്കുറിച്ചുള്ള ചോദ്യങ്ങളോടു പ്രതികരിക്കാന്‍ പൃഥ്വിരാജ് തയാറായില്ല.