മകളുടെ സിനിമ പ്രവേശനവുമായി ബന്ധപ്പെട്ട് പുറത്തുവരുന്ന വാര്‍ത്തകളെ തള്ളി തെന്നിന്ത്യന്‍ നടി രേഖ. ഒരു കാലത്ത് മലയാളത്തിലും തമിഴിലും തിരക്കുള്ള നായികയായിരുന്ന രേഖ നീണ്ട ഇടവേളയ്ക്ക് ശേഷമാണ് വീണ്ടും സിനിമയിലേക്ക് എത്തിയിരിക്കുന്നത്. എന്നാല്‍ മകള്‍ അനുഷ സിനിമയിലേക്ക് വരുന്നില്ലെന്ന് വ്യക്തമാക്കിയിരിക്കുകയാണ് താരം. മാധ്യമങ്ങളോട് താരം ഇത് വ്യക്തമാക്കിയത്. 

മകള്‍ സിനിമയിലേക്ക് അരങ്ങേറ്റം കുറിക്കുന്നു എന്ന വാര്‍ത്തകള്‍ കണ്ടിരുന്നു. മകള്‍ക്ക് ഉപരിപഠനത്തിനാണ് താല്‍പ്പര്യം അതിനാല്‍ അവള്‍ ഒരു സിനിമയിലും അഭിനയിക്കാന്‍ പോകുന്നില്ല. ദയവുചെയ്ത് പ്രചരണങ്ങള്‍ അവസാനിപ്പിക്കണമെന്നും രേഖ പറഞ്ഞതായി തമിഴ് മാധ്യമങ്ങള്‍ റിപ്പോര്‍ട്ട് ചെയ്തു.