ബഡ്​ഗി എന്ന ഹ്രസ്വ ചിത്രം സാമൂഹിക മാധ്യമങ്ങളിൽ ശ്രദ്ധ നേടുന്നു. നിരന്തരം ​ഗാർഹിക പീഡനങ്ങൾ ഏറ്റുവാങ്ങുന്ന വിവാഹിതയായ പെൺകുട്ടിയുടെ കുറച്ച് ദിവസത്തെ സ്വാതന്ത്ര്യത്തിന്റെ കഥയാണ് ചിത്രം പറയുന്നത്. നടിയും മോഡലുമായ കേതകി നാരായണനാണ് ചിത്രം ഒരുക്കിയത്. 

'പക്ഷികൾ പറക്കേണ്ടവരാണ്, കൂട്ടിലടയ്ക്കപ്പെടേണ്ടവരല്ല അതുപോലെ മനുഷ്യരും'- എന്നാണ് ചിത്രത്തിന്റെ കാതൽ. ഭർത്താവിന്റെ ഉപദ്രവം മൂലം സ്വന്തം സ്വപ്നങ്ങൾ മൂടിക്കെട്ടി താമസിക്കുന്ന പെൺകുട്ടിക്ക് ലോക്ക്ഡൗൺ മൂലം അപ്രതീക്ഷിതമായി സ്വാതന്ത്ര്യം ലഭിക്കുന്നതും അവൾ അതിനെ എങ്ങനെയാണ് ഉപയോ​ഗിക്കുന്നത് എന്നുമാണ് ചിത്രം പറയുന്നത്. 

മലയാളം, ഹിന്ദി, മറാത്തി, തെലുങ്ക് ചിത്രങ്ങളിൽ വേഷമിട്ടിട്ടുള്ള താരമാണ് കേതകി. ദിവാൻജി മൂല, അണ്ടർവേൾഡ് തുടങ്ങിയ ചിത്രങ്ങളിലൂടെ മലയാളികൾക്കും പരിചിതയാണ് താരം.