ലോക്ക്ഡൗൺ ആയതുകൊണ്ടുതന്നെ പിറന്നാൾ ആഘോഷവും രണ്ടാം വിവാഹവാർഷികവുമൊക്കെ വീട്ടിൽ ചിലവഴിക്കുകയായിരുന്നു നടൻ നീരജ് മാധവ്. പിറന്നാളിന് ഭാര്യ ഒരുക്കിയ ഓറിയോ കേക്കും വിവാഹവാർഷികത്തിന് അനിയനും സുഹൃത്തും ചേർന്നൊരുക്കിയ പൂച്ചെണ്ടുമൊക്കെയായിരുന്നു ഇത്തവണത്തെ പ്രത്യേകതകൾ. 

'വിചിത്രമായിട്ടൊന്നുമില്ല, ഒരു മാസം മുഴുവന്‍ ഒരുമിച്ചിരിക്കാന്‍ അവസരം കിട്ടി', എന്ന് കുറിച്ചാണ് വിവാഹവാർഷികത്തിന് ഭാര്യ ദീപ്തിക്കൊപ്പമുള്ള ചിത്രം നീരജ് പങ്കുവച്ചത്. ഇപ്പോഴാകട്ടെ ഈ രണ്ടു വർഷത്തിനിടയിൽ ഭാര്യയ്ക്ക് നൽകിയ ആദ്യ സർപ്രൈസിന്റെ വിഡിയോയാണ് താരം പങ്കുവച്ചിരിക്കുന്നത്. 'ദി ഫാമിലി മാന്‍' എന്ന വെബ് സീരീസ് ചിത്രീകരണത്തിനു വേണ്ടി മാറി നിന്ന താരം മുന്നറിയിപ്പില്ലാതെ മടങ്ങിയെത്തി ഭാര്യയ്ക്ക് സർപ്രൈസൊരുക്കുകയായിരുന്നു. ‌‍
‌
"ഷൂട്ടിങ് ഒരു മാസം നീണ്ടുപോകുമെന്നാണ് ഞാൻ അവളോട് പറഞ്ഞത്. പക്ഷെ അപ്പോൾ ഞാൻ കൊച്ചിയിലേക്കുള്ള ഫ്ലൈറ്റ് കേറിയിരുന്നു. ഞങ്ങളുടെ വിവാഹം കഴിഞ്ഞ് ആദ്യമായിട്ടാണ് അത്രയും ദിവസം മാറി നിൽക്കുന്നത്. അതുകൊണ്ടുതന്നെ അവൾ ഭയങ്കര സങ്കടത്തിലായിരുന്നു. വിമാനമിറങ്ങിയ ഞാൻ നേരെ ഇൻഫോപാർക്കിലെ അവളുടെ ഓഫീസിന് മുന്നിലെത്തി. സർപ്രൈസ്", എന്ന് കുറിച്ചാണ് നീരജ് വിഡിയോ പങ്കുവച്ചത്. 

താരം കാറിനകത്തിരുന്ന് ചിത്രീകരിച്ചിരിക്കുന്ന വിഡിയോയിൽ നീരജിനെ അപ്രതീക്ഷിതമായി കണ്ട് ഞെട്ടി നിൽക്കുന്ന ദീപ്തിയെയാണ് കാണാൻ കഴിയുക. ത്രോബാക്ക് എന്ന ഹാഷ്ടാ​ഗോടെയാണ് വിഡിയോ പങ്കുവച്ചിരിക്കുന്നത്.