കമല്‍ സംവിധാനം ചെയ്യുന്ന പുതിയ ചിത്രം പ്രണയ മീനുകളുടെ കലിന്റെ ടീസര്‍ പുറത്തിറങ്ങി. വിനായകന്റെ കഥാപാത്രത്തെയാണ് ടീസറില്‍ കാണിച്ചിരിക്കുന്നത്. വിനായകന്റെ കഥാപാത്രം ആഴക്കടലില്‍ സ്രാവിനെ വേട്ടയാടുന്ന രംഗമാണ് ടീസറിലുള്ളത്. 

ഒരിടവേഴയ്ക്ക് ശേഷം ജോണ്‍ പോള്‍ തിരക്കഥാ രംഗത്തേക്ക് മടങ്ങിവരുന്ന ചിത്രമാണ് പ്രണയമീനുകളുടെ കടല്‍. കമലും ജോണ്‍പോളും ചേര്‍ന്നാണ് തിരക്കഥയൊരുക്കിയിരിക്കുന്നത്. 

ഡാനി പ്രൊഡക്ഷന്‍സിന്റെ ബാനറില്‍ ജോണി വട്ടക്കുഴിയാണ് നിര്‍മ്മാണം. വിഷ്ണു പണിക്കര്‍ ക്യാമറയും ഷമീര്‍ മുഹമ്മദ് എഡിറ്റിംഗും. വിനായകനെ കൂടാതെ ദിലീഷ് പോത്തന്‍, ഗബ്രി ജോസ്, റിഥി കുമാര്‍, എന്നിവരും ചിത്രത്തിലുണ്ട്. ഷാന്‍ റഹ്മാനാണ് സംഗീത സംവിധാനം.