നടി ശാന്തി കൃഷ്ണയുടെ അച്ഛൻ ആർ കൃഷ്ണൻ ഇന്ന് രാവിലെയാണ് അന്തരിച്ചത്. ബാം​ഗളൂരുവിലെ ആശുപത്രിയിൽ ചികിത്സയിൽ കഴിയുന്നതിനിടെയായിരുന്നു അന്ത്യം. അച്ഛന്റെ വേർപാട് ഏൽപ്പിച്ച ദുഃഖത്തിൽ അപ്പയുമായുള്ള മനോഹരമായ ഓർമകൾ പങ്കുവെച്ചിരിക്കുകയാണ് നടി. ഇൻസ്റ്റ​ഗ്രാമിലൂടെയാണ് താരത്തിന്റെ പ്രതികരണം. 

അച്ഛന് ഭക്ഷണം വാരി നൽകുന്നതിന്റെ ചിത്രമാണ് താരം പങ്കുവെച്ചത്. “ഇനി എപ്പോഴാണ് അപ്പാ എനിക്കിങ്ങനെ ചെയ്യാൻ കഴിയുക. നിങ്ങളെ ഒരുപാട് മിസ് ചെയ്യുന്നു. നിങ്ങൾ പോയെന്ന് എനിക്ക് വിശ്വസിക്കാനാവുന്നില്ല. എന്നും നിങ്ങൾ ഞങ്ങൾക്കൊപ്പമുണ്ടാകും. ഐ ലവ് യു. ആത്മാവിന് നിത്യശാന്തി നേരുന്നു,” ശാന്തി കൃഷ്ണ കുറിച്ചു. 

കിഡ്നി സംബന്ധമായ പ്രശ്നങ്ങളെത്തുടർന്ന് രണ്ടാഴ്ചയോളം ആശുപത്രിയിലായിരുന്നു. അതിനിടെ കോവിഡ് സ്ഥിരീകരിച്ചു. എന്നാൽ കോവിഡിന്റേതായ ലക്ഷണങ്ങളുണ്ടായിരുന്നില്ലെന്നാണ് ശാന്തി കൃഷ്ണ പറയുന്നത്. ആരോ​ഗ്യനില മോശമായതിന് പിന്നാലെയാണ് മരണം. കോവിഡ് പ്രോട്ടോകോൾ അനുസരിച്ചായിരിക്കും സംസ്കാരം.