പഴയകാല ചിത്രങ്ങൾ സോഷ്യൽ മീഡിയയിൽ പങ്കുവയ്ക്കുന്നത് ലോക്ക്ഡൗൺ കാലത്തെ പുതിയ കാഴ്ചയല്ല. ആരാധകരുമായി കൂടുതൽ സമയം ഇൻസ്റ്റ​ഗ്രാമിലും ഫേസ്ബുക്കിലുമൊക്കെ ചിലവിട്ട സെലിബ്രിറ്റികളിൽ പലരും ത്രോബാക്ക് ചിത്രങ്ങൾ ആരാധകരുമായി പങ്കുവച്ചിട്ടുണ്ട്. പ്രശസ്ത തെന്നിന്ത്യൻ നടി രമ്യാ കൃഷ്ണയാണ് ഇപ്പോൾ തന്റെ കുട്ടിക്കാലചിത്രം പങ്കുവച്ചിരിക്കുന്നത്. 

'എന്നെ തിരിച്ചറിയൂ' എന്ന ക്യാപ്ഷനോടെയാണ് ആദ്യം താരം ചിത്രം സമൂഹമാധ്യമങ്ങളിൽ പങ്കുവച്ചത്. കുട്ടിക്കൂട്ടത്തിൽ നിന്ന് താരത്തെ പിടികിട്ടാൻ അത്ര എളുപ്പമല്ലെങ്കിലും കണ്ണടവെച്ച കൊച്ചുരമ്യയെ ആരാധകർ തിരിച്ചറിഞ്ഞു. ഒടുവിൽ ശരി ഉത്തരവുമായി രമ്യ രം​ഗത്ത് വരുകയും ചെയ്തു.