കൊച്ചി: ഫെയ്‌സ്ബുക്കില്‍ സ്ത്രീകളുടെ സംരക്ഷകരായെത്തുന്ന ഓണ്‍ലൈന്‍ ഗ്രൂപ്പുകള്‍ക്ക് ചുട്ടമറുപടി കൊടുത്ത് ഒരു നടിയുടെ തുറന്നെഴുത്ത്. നാടകങ്ങളിലും സിനിമകളിലും ശ്രദ്ധേയമായ വേഷങ്ങള്‍ ചെയ്തുകൊണ്ടിരിക്കുന്ന കനി കുസൃതിയാണ് തന്റെ ഫെയ്‌സ്ബുക്കിലൂടെ വളരെ ബോള്‍ഡായ കാര്യങ്ങള്‍ പറഞ്ഞുകൊണ്ട് തനിക്ക് ആ സംരക്ഷണം വേണ്ടെന്ന് പറയുന്നത്.
തന്റെ ലാപ്‌ടോപ്പ് ശരിയാക്കാന്‍ കൊടുത്തപ്പോള്‍ അതിന്റെ റീസൈക്കിള്‍ ബിന്നില്‍ ഉണ്ടായിരുന്ന തന്റെ നഗ്നചിത്രങ്ങളടക്കം ഡസ്‌ക് ടോപ്പില്‍ ഇട്ട് കൊടുത്തയയ്ക്കുകയായിരുന്നു സര്‍വ്വീസ് സെന്ററില്‍നിന്നും. ഈ ഫോട്ടോകള്‍ അവര്‍ എടുത്തിട്ടുണ്ടാകില്ലേ എന്ന സംശയത്തിന് കനിയുടെ മാതാപിതാക്കള്‍ നല്‍കുന്ന മറുപടിയും ഈ കുറിപ്പിലുണ്ട്. ഇത് ഏറെ ശ്രദ്ധേയമാണ്.
കൊച്ചിയില്‍ നടി ആക്രമിക്കപ്പെട്ടപ്പോള്‍ അവരുടെ ധീരതയെ പാടിപ്പുകഴ്ത്തിയ പലരും ചെയ്യാത്തതാണ് കനി തന്റെ ജീവിതംകൊണ്ട് കാട്ടിക്കൊടുത്തത് എന്ന് ഈ കുറിപ്പില്‍ വ്യക്തമാക്കുന്നു.
ഫെയ്‌സ്ബുക്ക് കുറിപ്പ് വായിക്കാം: