ന്യൂഡൽ​ഹി: ആരാധ്യ എവിടെ പോയാലും ക്യാമറക്കണ്ണുകൾ എപ്പോഴും കൂടെയുണ്ടാകും. അഭിഷേക് ബച്ചനെ പോലെയല്ല ഐശ്വര്യ. ഐശ്വര്യ എവിടെ പോയാലും ആരാധ്യയെ ഒപ്പം കൂട്ടും. ഇവർ തമ്മിലുള്ള ചിത്രങ്ങൾ ഏറെ ശ്രദ്ധേയമാകാറുമുണ്ട്.
 
എന്നാൽ മാതാപിതാക്കളും മുത്തച്ഛനും മുത്തശ്ശിയുമൊക്കെ  പ്രശസ്തരാണെന്നുള്ള കാര്യം ആരാധ്യക്ക് അറിയില്ലെന്നാണ് അഭിഷേക് പറയുന്നത്. ആരാധ്യയെ നന്നായി വളർത്തുന്നതിൻറെ മുഴുവൻ ക്രഡിറ്റും അഭിഷേക് നൽകുന്നത് ഐശ്വര്യക്കാണ്.''വിനയമെന്ന ഗുണം ആരാധ്യയെ പഠിപ്പിച്ചത് 
അവളുടെ അമ്മയാണ്. സാധാരണമായ ഒരു ബാല്യം തന്നെയാണ് അവൾക്കു കൊടുക്കുന്നത്'', അഭിഷേക് പറയുന്നു. 

തങ്ങൾ അഭിനേതാക്കളാണെന്നും മുത്തച്ഛനും മുത്തശ്ശിയും പാർലമെൻറിൽ പോകുന്നുണ്ടെന്നുമൊക്കെ അവള്‍ക്കറിയാം. പക്ഷേ അതെന്തിനാണെന്നൊന്നും അവള്‍ക്ക് മനസ്സിലാകാൻ തുടങ്ങിയിട്ടില്ലെന്ന് അഭിഷേക് പറയുന്നു