ടൊവിനോ തോമസും അഹാന കൃഷ്ണയും പ്രധാന വേഷത്തിലെത്തുന്ന ലൂക്കയുടെ ‘ലൂക്ക’യിലെ ആദ്യ ഗാനമെത്തി. ഒരേ കണ്ണാൽ എന്നു തുടങ്ങുന്ന ഗാനമാണ് അണിയറപ്രവർത്തകർ ഇന്ന് പുറത്തുവിട്ടിരിക്കുന്നത്. നന്ദ ഗോപൻ, അഞ്ജു ജോസഫ്, സൂരജ് എസ് കുറുപ്പ്, നീതു എന്നിവർ ചേർന്നാണ് ഗാനം ആലപിച്ചിരിക്കുന്നത്. മനു മഞ്ജിത്തിന്റെ വരികൾക്ക് സംഗീതം ഒരുക്കിയിരിക്കുന്നതും സൂരജ് എസ് കുറുപ്പാണ്.
പാട്ടിന്റെ ടീസർ രണ്ടുദിവസം മുൻപ് റിലീസ് ചെയ്തിരുന്നു. അപ്പോൾ മുതൽ ആവേശത്തിലായിരുന്ന ആരാധകർ ഗാനം പുറത്തുവിട്ടതും ഇരുകൈയ്യും നീട്ടി സ്വീകരിച്ചിരിക്കുകയാണ്. ടൊവിനോയും അഹാനയും നിറഞ്ഞുനിൽക്കുന്ന ഗാനത്തിലെ ഇരുവരുടെയും പ്രകടനം മികച്ച അഭിപ്രായമാണ് നേടുന്നത്.
നവാഗതനായ അരുണ്‍ ബോസ് ആണ് ചിത്രം സംവിധാനം ചെയ്യുന്നത്. കലാകാരനും ശില്‍പിയുമായ ലൂക്ക എന്ന കഥാപാത്രമാണ് ടൊവിനോ അവതരിപ്പിക്കുന്നത്. നിഹാരികയായി അഹാനയും ചിത്രത്തിലെത്തുന്നു. നിതിന്‍ ജോര്‍ജ്, തലൈവാസല്‍ വിജയ്, ജാഫര്‍ ഇടുക്കി, പൗളി വല്‍സന്‍ എന്നിവര്‍ മറ്റ് കഥാപാത്രങ്ങളെ അവതരിപ്പിക്കും.
അരുണും മൃദുല്‍ ജോര്‍ജ്ജും ചേര്‍ന്നാണ് ലൂക്കായുടെ തിരക്കഥ ഒരുക്കിയിരിക്കുന്നത്. ഛായാഗ്രഹണം നിമിഷ് രവി. ജൂണ്‍ 28 നാണ് ചിത്രം തിയറ്ററുകളിലെത്തുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates