Entertainment

ഒരേ സമയം അഞ്ച് ചാനലില്‍ റിലീസ്; നൃത്തത്തില്‍ വീണ്ടും ഞെട്ടിച്ച് അഹാനയും അനിയത്തിമാരും 

കൃഷ്ണ കുമാറും, ഇഷാനിയും, ദിയയും, ഹന്‍സികയും കടുത്ത മത്സരം നല്‍കുന്നുണ്ടെങ്കിലും കാഴ്ചക്കാരുടെ എണ്ണത്തില്‍ പതിവുപോലെ അഹാന തന്നെയാണ് മുന്നില്‍

Author : സമകാലിക മലയാളം ഡെസ്ക്

യൂട്യൂബില്‍ തിളങ്ങി നില്‍ക്കുന്നവരാണ് അഹാനയും സഹോദരിമാരും. വ്യത്യസ്ത വിഡിയോകളുമായി നാല്‍വര്‍ സംഘം ആരാധകരെ പിടിച്ചിരുത്തുമ്പോള്‍ അച്ഛന്‍ കൃഷ്ണകുമാറും ഇവര്‍ക്കൊപ്പം ചേര്‍ന്നുകഴിഞ്ഞു. ഒരു വീട്ടില്‍ നിന്നുതന്നെ അഞ്ച് യൂട്യൂബേഴ്‌സ് ഉണ്ടെങ്കിലും അഞ്ച് പേരെയും ഒരുപോലെ പിന്തുണയ്ക്കുകയാണ് ആരാധകര്‍. 

പതിവില്‍ നിന്ന് വ്യത്യസ്തമായി അഞ്ച് പേരുടെയും ചാനലുകളില്‍ ഇന്ന് ഒരേ വിഡിയോ എത്തിയതാണ് ആരാധകരെ അതിശയിപ്പിച്ചിരിക്കുന്നത്. നാല് സഹോദരിമാരും ചേര്‍ന്ന് നൃത്തം ചെയ്യുന്ന വിഡിയോയാണ് ഇത്. മുമ്പും ഇവരുടെ നൃത്തവിഡിയോകള്‍ ഹിറ്റായിട്ടുണ്ടെങ്കിലും ഏതെങ്കിലും ഒരാളുടെ ചാനല്‍ മാത്രം റിലീസിനായി തിരഞ്ഞെടുക്കാറായിരുന്നു പതിവ്. ഇക്കുറി ആ പതിവാണ് ഇവര്‍ മാറ്റിയത്. 

നാല് പേരെയും ശ്രദ്ധിക്കാനായി നാല് തവണ വിഡിയോ കണ്ടെന്നും, എല്ലാവരുടെയും ചാനലില്‍ എത്തി വിഡിയോ കണ്ടെന്നുമൊക്കെയാണ് ആരാധകര്‍ കമന്റ് ചെയ്തിരിക്കുന്നത്. മുമ്പുള്ളതുപോലെ ആരാണ് കൂടുതല്‍ നന്നായി നൃത്തം ചെയ്തത് എന്ന് അറിയാനുള്ള അഭിപ്രായ വോട്ടെടുപ്പും നടക്കുന്നുണ്ട്. 

ഇക്കുറി പതിവില്‍ നിന്ന് വ്യത്യസ്തമായി മറ്റൊരു മത്സരം കൂടി അരങ്ങേറുന്നുണ്ടെന്നാണ് കമന്റില്‍ നിന്ന് മനസ്സിലാകുന്നത്. ആരുടെ ചാനലിലാണ് കൂടുതല്‍ കാഴ്ചക്കാര്‍ എന്നതാണ് അത്. കൃഷ്ണ കുമാറും, ഇഷാനിയും, ദിയയും, ഹന്‍സികയും കടുത്ത മത്സരം നല്‍കുന്നുണ്ടെങ്കിലും കാഴ്ചക്കാരുടെ എണ്ണത്തില്‍ പതിവുപോലെ അഹാന തന്നെയാണ് മുന്നില്‍. ട്രെന്‍ഡിങ് ലിസ്റ്റില്‍ വിഡിയോ ഇടംനേടിക്കഴിഞ്ഞു.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

543 സീറ്റുകള്‍ മതിയോ, 850 ആക്കണോ? മണ്ഡല പുനര്‍നിര്‍ണയത്തിന് ബിജെപിയുടെ 'ത്രിദിന പദ്ധതി', നാല് ആവശ്യങ്ങളുമായി പ്രതിപക്ഷം

ഇടുക്കിയില്‍ പുരയിടത്തില്‍ നവജാത ശിശുവിന്റെ മൃതദേഹം; മൂന്ന് ദിവസം പ്രായമുള്ള ആണ്‍കുഞ്ഞ്

'നേപ്പാളുമായുള്ള സൗഹൃദത്തെ ഇന്ത്യ വില മതിക്കുന്നു'; കേന്ദ്രമന്ത്രി ജയ്ശങ്കറുമായി കൂടിക്കാഴ്ച നടത്തി ബാലേന്ദ്ര ഷാ

ഗോവന്‍ ചലച്ചിത്ര മേളയില്‍ 'രാമായണ' പ്രദര്‍ശിപ്പിക്കും; ബ്രിക്‌സ് വിഭാഗത്തില്‍ ഉദ്ഘാടന ചിത്രം

മകളുടെ മുന്നിലിട്ട് ഭാര്യയെ വെട്ടിക്കൊലപ്പെടുത്തി; ഭർത്താവ് തൂങ്ങിമരിച്ചു