റിമ കല്ലിങ്കൽ നായികയാകുന്ന സന്തോഷത്തിന്റെ ഒന്നാം രഹസ്യം എന്ന ചിത്രത്തിന്റെ പോസ്റ്റര്‍ പുറത്തിറക്കി. ശവം എന്ന ചിത്രമൊരുക്കിയ ഡോണ്‍ പാലത്തറയാണ് സംവിധായകൻ. റിമയ്ക്കൊപ്പം ജിതിന്‍ പുത്തഞ്ചേരിയും പ്രധാന കഥാപാത്രമായെത്തുന്നു. 

85 മിനിട്ടുള്ള സിനിമ ഒറ്റ ഷോട്ടിലുള്ള ഒരു കാര്‍ യാത്രയായാണ് ചിത്രീകരിച്ചിരിക്കുന്നത്. നീരജ രാജേന്ദ്രനും ശ്രദ്ധേയ വേഷത്തിലെത്തുന്നുണ്ട്. കോവിഡ് പ്രോട്ടോകോള്‍ പാലിച്ചുകൊണ്ടായിരുന്നു സിനിമയുടെ ചിത്രീകരണം.  

ഡോണ്‍ പാലത്തറ തന്നെയാണ് തിരക്കഥ രചിച്ചിരിക്കുന്നത്. ബീ കേവ് മൂവീസിന്റെ ബാനറില്‍ ഷിജോ കെ ജോര്‍ജ് ആണ് ചിത്രം നിര്‍മിക്കുന്നത്.