തെന്നിന്ത്യൻ താരസുന്ദരി സാമന്തയുടെ സ്‍കൂൾ പ്രോഗ്രസ് കാർഡിന്റെ പകർപ്പാണ് സോഷ്യൽ മീഡിയയിൽ ആരാധകർ ആഘോഷമാക്കുന്നത്. സാമന്ത പങ്കുവച്ച പ്രോ​ഗ്രസ് കാർഡിന്റെ ചിത്രം ഇതിനോടകം തന്നെ വൈറലായിക്കഴിഞ്ഞു. 

പത്താം ക്ലാസ്സിലെയും പതിനൊന്നാം ക്ലാസിലെയും പ്രോഗ്രസ് കാർഡ് ആണ് നടി ഇൻസ്റ്റ​ഗ്രാമിൽ ഷെയർ ചെയ്‍തത്. കോളജ് കാലഘട്ടിത്തിലെ പരീക്ഷാഫലങ്ങളും താരം പുറത്തുവിട്ടു. കണക്കിൽ നൂറിൽ നൂറ് മാർക്കും നേടിയിട്ടുണ്ട് സാമന്ത. സ്കൂളിനു തന്നെ മുതൽക്കൂട്ടാണ് സാമന്ത എന്നും അധ്യാപകർ പ്രോഗസ് കാർഡിൽ കുറിച്ചിട്ടുണ്ട്.  ബികോം പരീക്ഷയിൽ പ്രധാനവിഷയങ്ങളിൽ ഡിസ്റ്റിങ്ഷനും താരം നേടിയിട്ടുണ്ട്.  

ലോക്ക്ഡൗൺ നാളിൽ സിനിമാ പഠനത്തിന്റെ തിരക്കിലാണ് സാമന്ത. പ്രശസ്ത ഹോളിവുഡ് നടി ഹെലൻ മിറനിൽ നിന്നാണ് സാമന്ത അഭിനയ പരിശീലനം നേടുന്നത്. ക്ലാസിനിടെ പകർത്തിയ ഒരു ചിത്രം പങ്കുവച്ച് താരം മുമ്പ് പങ്കുവച്ചിരുന്നു.