കുറച്ച് ദിവസങ്ങളായി നടന്‍ ടൊവിനോ തോമസ് എന്ന നടന്റെ സിനിമാ വിശേങ്ങളിലല്ല ആരാധകര്‍ക്ക് പ്രിയം. താരത്തിന്റെയും കുടുംബത്തിന്റെയും യാത്രാവിശേഷങ്ങളാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്. ചിത്രീകരണത്തിരക്കുകളുടെ ചൂടില്‍ നിന്ന് ടൊവിനോ അവധിയെടുത്ത് മുങ്ങിയത് തുര്‍ക്കിയിലേക്കാണ്. ഭാര്യ ലിഡിയയും മകള്‍ ഇസയുമുണ്ട് കൂട്ടിന്. 

സോഷ്യല്‍ മീഡിയയില്‍ പ്രത്യേകിച്ച് ഇന്‍സ്റ്റഗ്രാമില്‍ സജീവമായിട്ടുള്ള ടൊവിനോ തന്റെ യാത്രകളുടെ വിശേഷങ്ങളെല്ലാം ആരാധകരോട് പങ്കുവയ്ക്കാറുണ്ട. തുര്‍ക്കിയില്‍ നിന്നുള്ള ചിത്രങ്ങള്‍ സോഷ്യല്‍ മീഡിയയില്‍ ഒന്നടങ്കം തരംഗമായി മാറിയിരിക്കുകയാണ് ഇപ്പോള്‍. പരാമ്പരാഗത തുര്‍ക്കി വേഷത്തില്‍ ഭാര്യയ്ക്കും കുഞ്ഞിനുമൊപ്പം നില്‍ക്കുന്ന ചിത്രങ്ങളാണ് ടൊവിനോ പുതിയതായി ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നത്.