ഗായിക നേഹ കക്കറിന്റെ വിവാഹ ആഘോഷങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്.  ഗായകന്‍ റോഹന്‍പ്രീത് സിങ്ങിനെയാണ് നേഹ വിവാഹം കഴിക്കുന്നത്. ഇരുവരുടേയും ഹല്‍ദി ചടങ്ങിന്റെ ചിത്രങ്ങളാണ് ആരാധകരുടെ മനം കവരുന്നത്. നേഹ തന്നെയാണ് സോഷ്യല്‍ മീഡിയയിലൂടെ ചിത്രങ്ങള്‍ പോസ്റ്റ് ചെയ്തത്. 

മഞ്ഞ സാരിയില്‍ അതിമനോഹരിയാണ് നേഹ. അതുപോലെ രോഹന്‍പ്രീതും മഞ്ഞ കുര്‍ത്തയാണ് ധരിച്ചിരിക്കുന്നത്. സാരിയ്‌ക്കൊപ്പം വലിയ ഇയറിങ്‌സും കൊലുസും മാത്രമാണ് നേഹ അണിഞ്ഞത്. തലയില്‍ വെള്ള റോസാപ്പൂക്കള്‍ കൂടി ആയപ്പോള്‍ ലുക്ക് പൂര്‍ണമായി. പ്രണയം നിറച്ച നിരവധി ചിത്രങ്ങളാണ് നേഹ പങ്കുവെച്ചിരിക്കുന്നത്. 

ഇത് കൂടാതെ പച്ച ഔട്ട്ഫിറ്റിലെ മറ്റു ചിത്രങ്ങളും നേഹ പങ്കുവെച്ചിട്ടുണ്ട്. പച്ച ലെഹങ്കയിലാണ് താരം എത്തുന്നത്. കൈനിറയെ വളയും ആഭരണങ്ങളും അണിഞ്ഞ് ഈ ചിത്രങ്ങളിലും നേഗ മനോഹരിയാണ്. നേഹയ്ക്ക് മാച്ചിങ്ങായ കുര്‍ത്തയാണ് രോഹന്‍പ്രീതിന്റെ വേഷം. ദിവസങ്ങള്‍ നീണ്ടു നില്‍ക്കുന്ന ആഘോഷങ്ങള്‍ക്കൊടുവില്‍ ഡല്‍ഹിയില്‍ വച്ചാണ് ഇരുവരും വിവാഹിതരാകുന്നത്. ബന്ധുക്കള്‍ക്കും സുഹൃത്തുക്കള്‍ക്കുമൊപ്പമാണ് ഇവരുടെ വിവാഹാഘോഷം. ഈ മാസം ആദ്യമാണ് വിവാഹിതരാകുന്ന വാര്‍ത്ത നേഹ പങ്കുവെച്ചത്. തുടര്‍ന്ന് വിവാഹത്തിന്റെ വിവിദ ഘട്ടങ്ങളിലെ ചടങ്ങുകളും താരം പങ്കുവെച്ചിരുന്നു. നേരത്തെ റോക ചടങ്ങുകളുടെ വിഡിയോയും സോഷ്യല്‍ മീഡിയയില്‍ വൈറലായിരുന്നു.