ആരാധകര്‍ ആവേശത്തോടെ കാത്തിരിക്കുന്ന വിജയ് ചിത്രം ബിഗിലിന്റെ ട്രെയിലര്‍ പുറത്തിറങ്ങി. ഫുട്‌ബോള്‍ പ്രധാന പ്രമേയമാക്കി കഥ പറയുന്ന ചിത്രം അറ്റ്‌ലിയാണ് സംവിധാനം ചെയ്തിരിക്കുന്നത്. വിജയ് ഇരട്ട വേഷങ്ങളിലെത്തുന്ന ചിത്രത്തില്‍ നയന്‍താരയാണ് നായിക. 

സ്ഥിരം വിജയ് ചിത്രങ്ങളുടെ ഫോര്‍മാറ്റില്‍ തന്നെയാണ് ബിഗിലും ഒരുക്കിയിരിക്കുന്നത് എന്ന് ട്രെയിലര്‍ സൂചിപ്പിക്കുന്നു. തെരി, മെര്‍സല്‍ എന്നീ സൂപ്പര്‍ഹിറ്റ് ചിത്രങ്ങള്‍ക്ക് ശേഷം വിജയും അറ്റ്‌ലിയും ഒന്നിക്കുന്ന ചിത്രമാണിത്. എആര്‍ റഹ്മാന്‍ സംഗീത സംവിധാനം നിര്‍വഹിച്ചിരിക്കുന്ന ചിത്രം കേരളത്തില്‍ പൃഥ്വിരാജ് പ്രൊഡക്ഷന്‍സും ലിസ്റ്റിന്‍ സ്റ്റീഫന്റെ മാജിക് ഫ്രെയിംസുമാണ് തീയേറ്ററുകളിലെത്തിക്കുന്നത്.