Entertainment

കാവി വസ്ത്രം അണിഞ്ഞ് ഹുക്ക വലിച്ച് ഹന്‍സിക; താരത്തിനെതിരേ കേസ്

മതവികാരം വ്രണപ്പെടുത്തി എന്നാണ് ആരോപണം 

Author : സമകാലിക മലയാളം ഡെസ്ക്


അമ്പതാം ചിത്രത്തില്‍ വിവാദത്തില്‍പ്പെട്ട് തെന്നിന്ത്യന്‍ സുന്ദരി ഹന്‍സിക മോട്വാനി. പുതിയ ചിത്രമായ മഹയുടെ പോസ്റ്ററാണ് താരത്തെ പ്രശ്‌നത്തിലാക്കിയിരിക്കുന്നത്. കാവി വസ്ത്രം അണിഞ്ഞ് സിംഹാസനത്തില്‍ ഇരുന്ന് ഹുക്ക വലിക്കുന്ന താരത്തിനെയാണ് പോസ്റ്ററില്‍ കാണുന്നത്. മതവികാരം വ്രണപ്പെടുത്തിയെന്ന് ആരോപിച്ച് താരത്തിനെതിരേ പരാതി ലഭിച്ചതോടെ താരത്തിനും ചിത്രത്തിന്റെ സംവിധായകന്‍ യു.ആര്‍ ജമീലിനും എതിരേ പൊലീസ് കേസെടുത്തു. 

കഴിഞ്ഞ ദിവസമാണ് ചിത്രത്തിന്റെ പോസ്റ്ററുകള്‍ അണിയറ പ്രവര്‍ത്തകര്‍ പുറത്തുവിട്ടത്. അപ്പോള്‍ മുതല്‍ താരത്തിനും സംവിധായകനുമെതിരേ വിമര്‍ശനം ഉയരുന്നുണ്ട്. സന്യാസികള്‍ക്ക് ഇടയില്‍ ഇരുന്നുകൊണ്ടുള്ള ഹന്‍സികയുടെ പുകവലിയാണ് വലിയ വിമര്‍ശനങ്ങള്‍ക്ക് കാരണമായത്.

പട്ടാളി മക്കള്‍ കച്ചി നേതാവ് ജാനകി രാമനാണ് പോസ്റ്ററിന് എതിരേ പരാതി നല്‍കിയത്. ഹന്‍സികയ്‌ക്കെതിരെയും സംവിധായകന്‍ യു ആര്‍ ജമീലിനെതിരെയും നടപടിയെടുക്കണമെന്നാണ് പരാതിയില്‍ ആവശ്യപ്പെടുന്നത്. ഇതിനെതിരേ താരമോ അണിയറ പ്രവര്‍ത്തകരോ പ്രതികരിച്ചിട്ടില്ല. ഹന്‍സിക ശക്തമായ കഥാപാത്രത്തെ അവതരിപ്പിക്കുന്ന ചിത്രം ആക്ഷന്‍ ത്രില്ലറാണ്. 

ഇതിന് മുന്‍പ് വിജയുടെ സര്‍ക്കാരും ഇതേ ആരോപണം നേരിട്ടിരുന്നു. സര്‍ക്കാരിന്റെ പോസ്റ്ററിലെ വിജയ് പുകവലിക്കുന്നത് വലിയ വിമര്‍ശനങ്ങള്‍ക്കാണ് കാരണമായത്.
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഓപ്പറേഷൻ സൗന്ദര്യ': അംഗീകാരമില്ലാത്ത സൗന്ദര്യവർധക വസ്തുക്കൾക്കെതിരെ കർശന നടപടിയുമായി സർക്കാർ; വ്ലോഗർമാരും നിരീക്ഷണത്തിൽ

ഗോവന്‍ ചലച്ചിത്ര മേളയില്‍ 'രാമായണ' പ്രദര്‍ശിപ്പിക്കും; ബ്രിക്‌സ് വിഭാഗത്തില്‍ ഉദ്ഘാടന ചിത്രം

മകളുടെ മുന്നിലിട്ട് ഭാര്യയെ വെട്ടിക്കൊലപ്പെടുത്തി; ഭർത്താവ് തൂങ്ങിമരിച്ചു

'സുരക്ഷാ മാനദണ്ഡങ്ങള്‍ പാലിക്കാതെ കുപ്പിവെള്ളം വിറ്റു';ബിസ്‌ലേരിക്കെതിരെ പ്രോസിക്യൂഷന്‍ നടപടിക്ക് അനുമതി

പമ്പയില്‍ വസ്ത്രങ്ങള്‍ ഉപേക്ഷിക്കുന്നതിന് നിരോധനം, ലംഘിച്ചാല്‍ 5000 രൂപ പിഴ, അടച്ചില്ലെങ്കില്‍ പ്രോസിക്യൂഷന്‍ നടപടി