സൂപ്പര്‍ ഹിറ്റ് തമിഴ് ചിത്രം 96 ൽ തൃഷയുടെ കൗമാരകാലം ​ഗംഭീരമാക്കിയാണ് ​ഗൗരി കിഷൻ ശ്രദ്ധിക്കപ്പെട്ടത്. റാമിനും ജാനുവിനുമൊപ്പം കുട്ടി ജാനുവും കൈയടി നേടിയിരുന്നു. തെലുങ്ക് റീമേക്കിലും കുട്ടി ജാനു താൻ തന്നെയാണെന്നാണ് ​ഗൗരി ഇൻസ്റ്റ പേജിലൂടെ വെളിപ്പെടുത്തിയിരിക്കുന്നത്. ചിത്രത്തിലെ ലുക്കും പുറത്ത് വിട്ടിട്ടുണ്ട്. 

തെലുങ്കിൽ കുട്ടി ജാനുവിന്റെ റാം ആയി എത്തുന്നത് ഷര്‍വാനന്ദ് ആണ്. തമിഴിൽ നടന്‍ എം എസ് ഭാസകറിന്റെ മകന്‍ ആദിത്യ ഭാസ്‌കര്‍ ആയിരുന്നു ​ഗൗരിയ്ക്കൊപ്പം അഭിനയിച്ചത്. സാമന്തയാണ് റീമേക്കിൽ ജാനുവാകുന്നത്.

നഷ്ടപ്രണയത്തിന്റെ തീവ്രതയും നൈർമല്യവും കൈയ്യടക്കത്തോടെ സ്ക്രീനിൽ വീണ്ടും എത്തുന്നത് കാത്തിരിക്കുകയാണ് ആരാധകർ. ചിത്രത്തിലെ അഭിനയം വിജയ് സേതുപതിക്കും തൃഷയ്ക്കും നിരൂപകരുടേതടക്കം പ്രശംസ നേടിക്കൊടുത്തിരുന്നു.