ഹോളിവുഡ് താരങ്ങളായ ടോം ഹാങ്ക്സിനും ഭാര്യ റിത വിൽസണും കൊറോണ ബാധിതരായിരുന്നു. നീണ്ട നാളത്തെ ചികിത്സയ്ക്കും നിരീക്ഷണത്തിനും ശേഷം ഇരുവരും പൂർണമായ വൈറസ് മുക്തരായി. ഇപ്പോൾ കൊറോണയ്ക്കെതിരെ വാക്സിൻ വികസിപ്പിക്കാനായി രക്തം ദാനം ചെയ്യാൻ തയാറാണെന്ന് വ്യക്തമാക്കുകയാണ് ടോം ഹാങ്ക്സ്. 

രോ​ഗം ഭേദമായവരുടെ രക്തം ഉപയോ​ഗിച്ചുകൊണ്ടുള്ള റിസർച്ചുകൾ നടക്കുന്നുണ്ട്. അതിനായി തങ്ങളുടെ രക്തവും പ്ലാസ്മയും നൽകാൻ തയാറാണെന്നാണ് ഇരുവരും പറയുന്നത്. തന്റെ രക്തംകൊണ്ടുണ്ടാക്കുന്ന വാക്സിന് എന്ത് പേര് നൽകണമെന്ന രസകരമായ നിർദേശവും താരംനൽകുന്നുണ്ട്. ഹാങ്ക്-‌സിന്‍  എന്ന് പേരിടാനാണ് തമാശരൂപത്തിൽ താരം പറയുന്നത്. 

 ഓസ്ട്രേലിയയിൽ വെച്ചാണ് താരത്തിന് ഭാര്യയ്ക്കും കൊറോണ ബാധിതരാകുന്നത്. തു‌ടർന്ന് ചികിത്സ കഴിഞ്ഞ് ആശുപത്രിയിൽ നിന്ന് മടങ്ങിയ ഇരുവരും രണ്ടാഴ്ച ഓസ്ട്രേലിയയിൽ തന്നെ ഹോം ക്വാറന്റീനിൽ കഴിഞ്ഞിരുന്നു. അതിന് ശേഷമാണ് ലോസ് ആഞ്ജലീസിലേക്ക് തിരിച്ചെത്തിയത്.