ഈ മനുഷ്യനെ ഇഷ്ടപ്പെടാത്തവരായി ആരുമുണ്ടാകില്ല. നടനായും സംവിധായകനായുമെല്ലാം അദ്ദേഹം പ്രേക്ഷകരെ തന്നോട് അടിപ്പിച്ചു. ഇപ്പോള്‍ മലയാളികളുടെ ഏറ്റവും പ്രീയപ്പെട്ട താരമാണ് സൗബിന്‍. ചെറിയ വേഷങ്ങളിലൂടെ എത്തി വളരെ പെട്ടെന്നാണ് സൗബിന്‍ മുന്‍നിരയിലേക്ക് ഉയര്‍ന്നത്. അടുത്തിടെയാണ് താരം വിവാഹിതനായത്. ഇപ്പോള്‍ സൗബിന്റേയും ഭാര്യ ജാമിയയുടേയും വീഡിയോ ആണ് സോഷ്യല്‍ മീഡിയയില്‍ വൈറലാകുന്നത്. 

ചില സിനിമകളിലെ തന്റെ കഥാപാത്രങ്ങളെപ്പോലെ കുസൃതിത്തരങ്ങള്‍ നിറഞ്ഞ വ്യക്തിയാണ് സൗബിന്‍. കൂടെയുള്ള ആളും ഇതില്‍ പുറകിലല്ല. ഇരുവരും ഷൂട്ട് ചെയ്ത വീഡിയോകളാണ് സോഷ്യല്‍ മീഡിയ ഏറ്റെടുത്തിരിക്കുന്നത്. ഭാര്യയോടൊപ്പമുള്ള മോണിങ് വാക്കിലും ചായകുടിക്കുമ്പോഴുമെല്ലാം എടുത്ത രസകരമായ വീഡിയോകളാണ് സോഷ്യല്‍ മീഡിയ ഏറ്റെടുത്തിരിക്കുന്നത്. ഭാര്യയ്ക്ക് ഗിറ്റാര്‍ വായിച്ചു കൊടുക്കുന്നതും, കളി വിമാനം പറത്തിനോക്കുന്നതുമെല്ലാം വീഡിയോയിലുണ്ട്.