കമ്മ്യൂണിസ്റ്റ് വിപ്ലവകാരി ചെ ഗുവേരയുടെ ജന്‍മദിനമാണ് ഇന്ന്. ചെയ്ക്ക് സോഷ്യല്‍ മീഡിയയില്‍ നിരവധി ജന്‍മദിനാശംസകളാണ് നിറയുന്നത്. ഇക്കൂട്ടത്തില്‍ നടന്‍ പൃഥ്വിരാജും ജന്‍മദിനാശംകളുമായി രംഗത്തെത്തി. എന്നാല്‍ ഇതിനെ ഏറ്റെടുത്തും വിമര്‍ശിച്ചും ആളുകള്‍ രംഗത്തെത്തിയിരിക്കുകയാണ്. 

പൃഥ്വിയുടെ 'ഹാപ്പി ബര്‍ത്ത് ഡേ ചെ' എന്ന പോസ്റ്റിന് താഴെ ജന്‍മദിനാശംസകള്‍ നേര്‍ന്ന് നിരവധിപേര്‍ എത്തിയിട്ടുണ്ട്. അതുപോലെ പരിഹാസത്തിനും കുറവില്ല. 'നിന്റെ തന്തയല്ല, എന്റെ തന്ത' എന്ന ലൂസിഫറിലെ മോഹന്‍ലാല്‍ പറയുന്ന ഡയലോഗ് പൃഥ്വിക്ക് എതിരെ തിരിച്ചിരിക്കുകയാണ് ഒരുകൂട്ടര്‍. സംഘപരിവാര്‍ സൈദ്ധാന്തികനായിരുന്ന സവര്‍ക്കറുടെ ജന്മദിനത്തില്‍ ആശംസ നല്‍കുമോയെന്ന് ഒരുകൂട്ടര്‍ പരിഹരിഹസിക്കുന്നു. ചെ ഗുവേരയെപ്പറ്റിയുള്ള പുകഴ്ത്തലുകളും വിമര്‍ശനങ്ങളും പോസ്റ്റിന് താഴെ സജീവമാണ്.