ചെന്നൈ എക്സ്പ്രസ് നിർമാതാവ് കരീം മൊറാനിയുടെ മകള്‍ക്ക് കോവിഡ് 19 സ്ഥിരീകരിച്ചു. ഇളയ മകൾ ഷാസ മൊറാനിക്കാണ് രോ​ഗം സ്ഥിരീകരിച്ചത്. മുംബൈയിലെ നാനാവതി ആശുപത്രിയില്‍ ചികിത്സയിലാണ് ഷാസ. 

മൂത്ത മകൾ സോയക്കും രോ​ഗലക്ഷണങ്ങൾ ഉണ്ടെന്നും ഇരുവരും ആശുപത്രിയിലാണെന്നുമാണ് റിപ്പോർട്ടുകൾ. സോയയുടെ പരിശോധനാ ഫലം നെ​ഗറ്റീവ് ആണെങ്കിലും ലക്ഷണങ്ങൾ കണ്ടതിനാലാണ് ആശുപത്രിയിൽ തുടരുന്നത്. തന്റെ ബില്‍ഡിങ് കോംപ്ലക്‌സിലുള്ള മറ്റ് വീട്ടുകാര്‍ക്ക് നിര്‍മ്മാതാവ് ഇതു സംബന്ധിച്ച് മെസേജ് അയച്ചതായാണ് വിവരം. നാളെ കുടുംബാംഗങ്ങളുടെ ടെസ്റ്റ് നടത്തും. 

രാജ്യത്ത് ലോക്ഡൗൺ പ്രഖ്യാപിക്കുന്നതിനു മുമ്പ് ഷാസ ശ്രീലങ്കയിൽ സന്ദർശനം നടത്തിയിരുന്നു. ഹാപ്പി ന്യൂ ഇയർ എന്ന ഷാരൂഖ് ചിത്രത്തിന്റെ അസോസിയേറ്റ് ഡയറക്ടർ ആയിരുന്നു ഷാസ. ചെന്നൈ എക്‌സ്പ്രസ്, രാവണ്‍, ഹാപ്പി ന്യൂ ഇയർ തുടങ്ങിയ സിനിമകള്‍ ഒരുക്കിയ നിർമാതാവാണ് കരീം മൊറാനി.