ആരാധകർ ‌‌ഏറെ ആവേശത്തോടെ കാത്തിരിക്കുന്ന ബോളിവുഡ് ചിത്രം സ്റ്റുഡന്റ് ഓഫ് ദി ഇയർ 2വിലെ പുതിയഗാനം പുറത്തുവിട്ടു. ജാക്കി ഷറോഫിന്റെ മകൻ ടൈഗർ ഷറോഫിന്റെയും നടി ആലിയ ഭട്ടിന്റെയും തകർപ്പൻ ഡാൻസ് സോങാണ് പുറത്തുവിട്ടിരിക്കുന്നത്. 

ഗാനം ഇതിനോടകം തന്നെ യൂട്യൂബില്‍ തരംഗമായി കഴിഞ്ഞു. 20 കോടിയോളം ആളുകളാണ് ​ഗാനം കണ്ടുകഴിഞ്ഞത്. നേഹ കക്കാറും ശേഖർ രാവ്ജാനിയും ചേർന്ന് ആലപിച്ചിരിക്കുന്ന ​ഗാനത്തിന്റെ സംഗീതം വിശാല–ശേഖർ ആണ്. 

1972ൽ പുറത്തിറങ്ങിയ ജവാനി ദിവാനി  എന്ന ചിത്രത്തിലെ യേ ജവാനി ഹേ ദിവാനി എന്ന ഗാനത്തിന്റെ റീമേക്കും സ്റ്റുഡന്റ് ഓഫ് ദി ഇയർ 2ൽ ഉണ്ട്. ഇത് നേരത്തെ പുറത്തുവിട്ടിരുന്നു. ഇരു ​ഗാനങ്ങളും പ്രേക്ഷകർ ഏറ്റെടുത്തിരിക്കുകയാണ് ഇപ്പോൾ. മെയ് 10-ാം തിയതിയാണ് ചിത്രത്തിന്റെ റിലീസ്. കരൺ ജോഹർ നിർമ്മിക്കുന്ന ചിത്രത്തിന്റെ സംവിധാനം പുനീത് മൽഹോത്രയാണ്.