സംവിധായകന്‍ ലിജോ ജോസ് പല്ലിശേരിക്കൊപ്പം പ്രവര്‍ത്തിക്കണമെന്ന ആഗ്രഹവുമായി രംഗത്ത് വന്നിരിക്കുകയാണ് പ്രശസ്ത ബോളിവുഡ് താരം മനോജ് ബാജ്‌പേയ്. അദ്ദേഹത്തോടൊപ്പമുള്ള ചിത്രം ഇന്‍സ്റ്റഗ്രാം സ്‌റ്റോറിയായി പങ്കുവച്ചു കൊണ്ടാണ് മനോജ് ബാജ്‌പേയ് ആഗ്രഹം പ്രകടിപ്പിച്ചത്. 

സ്റ്റോറിക്കൊപ്പം ''ഇമയൗ, അങ്കമാലി ഡയറീസ്, ജല്ലിക്കെട്ട്…, ജീനിയസായ ലിജോ ജോസിനൊപ്പം പ്രവര്‍ത്തിക്കണം'' എന്നും ബാജ്‌പേയ് കുറിച്ചു. ലിജോ ജോസ് പെല്ലിശ്ശേരി സംവിധാനം ചെയ്ത 'ജല്ലിക്കെട്ട് ' വിവിധ അന്താരാഷ്ട്ര ചലചിത്ര മേളകളില്‍ പ്രദര്‍ശിപ്പിച്ചിരുന്നു. കഴിഞ്ഞ മാസമാണ് ചിത്രം കേരളത്തിലെ തിയേറ്ററികളിലെത്തിയത്. 

മികച്ച നടനുള്ള ദേശീയപുരസ്‌കാരം രണ്ടു തവണ നേടിയ ആളാണ് മനോജ് ബാജ്‌പേയ്. അദ്ദേഹം അഭിനയിച്ച വെബ് സീരിസ് മികച്ച പ്രതികരണമാണ് നേടിക്കൊണ്ടിരിക്കുന്നത്. മലയാളത്തില്‍ നിന്ന് നീരജ് മാധവും പ്രിയാമണിയും ഈ വെബ് സീരില്‍ അഭിനയിക്കുന്നുണ്ട്.