മലയാള സം​ഗീത ലോകത്തെ സൂപ്പർഹിറ്റ് പ്രണയജോഡികളാണ് ​സം​ഗീത സംവിധായകൻ ഗോപി സുന്ദറും ​ഗായിക അഭയ ഹിരൺമയിയും. വിവാഹിതരായില്ലെങ്കിലും ഇരുവരും വർഷങ്ങളായി ഒന്നിച്ചാണ്. സോഷ്യൽ മീഡിയയിൽ ആക്റ്റീവായ ഇരുവരും തങ്ങളുടെ വിശേഷങ്ങളെല്ലാം അരാധകരുമായി പങ്കുവെക്കാറുണ്ട്. ഇപ്പോൾ ശ്രദ്ധ നേടുന്നത് ​ഗോപി സുന്ദർ പങ്കുവെച്ച പ്രണയ ചിത്രമാണ്. 

ഞാൻ ജീവിക്കുന്നതിന് കാരണം നീയാണ് എന്ന അടിക്കുറിപ്പിലാണ് ​ഗോപി സുന്ദർ ചിത്രം പോസറ്റ് ചെയ്തത്. തന്റെ മാറിൽ ചാരിക്കിടക്കുന്ന ഹിരൺമയിയുടെ നെറ്റിയിൽ ചുംബിക്കുന്ന ​ഗോപി സുന്ദറാണ് ചിത്രത്തിൽ. ഇരുവർക്കും ആശംസകളുമായി നിരവധി ആരാധകരാണ് കമന്റ്ചെയ്തിരിക്കുന്നത്. 

ലോക്ക്ഡൗണിൽ താരങ്ങൾ തങ്ങളുടെ വിശേഷങ്ങളെല്ലാം പങ്കുവെച്ചിരുന്നു. ഇരുവരുടേയും ജീവിതത്തിലേക്കുവന്ന പട്ടിക്കുട്ടിയായിരുന്നു ചിത്രങ്ങളിൽ നിറഞ്ഞുനിന്നിരുന്നത്. ഗോപി സുന്ദറുമായുള്ള ബന്ധത്തെച്ചൊല്ലിയുള്ള ഊഹാപോഹങ്ങള്‍ക്ക് വിരാമമിട്ട്  അഭയ തന്നെയാണ് തുറന്നുപറയുന്നത്. ഇതിന്റെ പേരിൽ രൂക്ഷമായ സൈബർ ആക്രമവും നേരിടേണ്ടി വന്നിരുന്നു.