മുംബൈ: ബോളിവുഡിലെ ഇന്‍സ്റ്റ സൂപ്പര്‍സ്റ്റാറാവുകയാണ് ദീപിക പദുക്കോണ്‍. ഇന്‍സ്റ്റഗ്രാമില്‍ ദീപികയെ പിന്തുടരുന്നവരുടെ എണ്ണം രണ്ടരക്കോടിയും പിന്നിട്ടു. ഏഷ്യയില്‍ ഏറ്റവുമധികം ട്വിറ്റര്‍ ഫോളോവേഴ്‌സുള്ള വനിതയും ദീപിക തന്നെയാണ്.
സ്വതസിദ്ധമായ ചിരിയും വ്യക്തപ്രഭാവവും കൊണ്ട് കാനിലും ഗാലയിലുമെല്ലാം ദീപിക നിറഞ്ഞു നിന്നു.ലോകത്തെ സ്വാധീനിച്ച 100 വനിതകളുടെ പട്ടികയില്‍ ഇടം നേടിയ ഏക സിനിമാ താരവും അവര്‍ തന്നെ. ഇത്രയധികം നേട്ടങ്ങള്‍ സ്വന്തമാക്കിയ ഒരാള്‍ക്ക് രണ്ടരക്കോടി ആരാധകര്‍ ഇന്‍സ്റ്റയില്‍ ഉണ്ടായതില്‍ അത്ഭുതമില്ലെന്നാണ് ബോളിവുഡിലെ സംസാരം.
ബോക്‌സ്ഓഫീസില്‍ നൂറ് കോടി വാരിയ ഏഴ് ചിത്രങ്ങള്‍ക്ക് പിന്നാലെ ഹോളിവുഡില്‍ പുതിയ ചിത്രത്തിന് കരാറൊപ്പിടാന്‍ തയ്യാറെടുക്കുകയാണ് താരം. രണ്‍വീര്‍ സിങുമായി ഈ വര്‍ഷം തന്നെ വിവാഹമുണ്ടാകുമെന്ന വാര്‍ത്തകളും ദീപിക സ്ഥിരീകരിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates