Entertainment

ഡാന്‍സും ഫൈറ്റുമൊക്കെ പോട്ടെ, മര്യാദയ്ക്ക് അനങ്ങാന്‍ പോലും പറ്റില്ല , ഷൂട്ടിനിടയില്‍ ഇത് ഊരിപ്പോകുമായിരുന്നു; സാരിയുടുത്തതിനെക്കുറിച്ച് അക്ഷയ് 

സാരിയുടുക്കുന്ന എല്ലാ സ്ത്രീകളെയും സമ്മതിക്കണമെന്നാണ് അക്ഷയ് പറയുന്നത്

Author : സമകാലിക മലയാളം ഡെസ്ക്

രൂപത്തിലും ഭാവത്തിലും അടിപൊളി മേക്കോവറുമായാണ് അക്ഷയ് കുമാര്‍ പുതിയ ചിത്രം ലക്ഷ്മി ബോംബില്‍ എത്തുന്നത്. സാരിയുടുത്തുള്ള നടന്റെ ഫസ്റ്റ് ലുക്ക് പോസ്റ്റര്‍ മുതല്‍ സിനിമയുമായി ബന്ധപ്പെട്ട ഓരോ വിവരങ്ങളും വളരെ പെട്ടെന്നാണ് വൈറലായിക്കൊണ്ടിരുന്നത്. ആദ്യമായാണ് അക്ഷയ് സാരില്‍ ക്യാമറയ്ക്ക് മുന്നിലെത്തുന്നത്. നീളന്‍ മുടി പൊക്കിക്കെട്ടി, വളയിട്ട്, പൊട്ടുംകുത്തി സുന്ദരിയായാണ് അക്ഷയ് ചിത്രത്തില്‍. ലക്ഷ്മി ബോംബിനായി സാരിയുടുത്ത അനുഭവം പങ്കുവച്ചിരിക്കുകയാണ് നടനിപ്പോള്‍. 

' ഒറ്റ വാക്കില്‍ പറഞ്ഞാല്‍ കാണാന്‍ ഏറ്റവും ഭംഗിയുള്ള വേഷമാണ് സാരി. പക്ഷെ സാരി ധരിച്ചത് ഒരു ആദ്യ അനുഭവമായിരുന്നു. സത്യം പറഞ്ഞാല്‍ സാരി ഉടുക്കാന്‍ ഭയങ്കര പ്രയാസമാണ്. ഷൂട്ടിങ്ങിന്റെ ആദ്യദിവസങ്ങള്‍ എന്റെ സാരി തന്നെ അഴിഞ്ഞുപോകുമായിരുന്നു. ഡാന്‍സും ഫൈറ്റുമൊക്കെ മറന്നാലും ഒന്നു മര്യാദയ്ക്ക് അനങ്ങാന്‍ പോലും പറ്റില്ലായിരുന്നു. കോസ്റ്റിയൂം ഡിസൈറനോടാണ് നന്ദി പറയാനുള്ളത്. എപ്പോഴും മുന്താണി ശരിയാക്കാനും പ്ലീറ്റ്‌സ് പിടിച്ചുതരാനും ഓടിവരുമായിരുന്നു', അക്ഷയ് പറഞ്ഞു.

സാരിയുടുക്കുന്ന എല്ലാ സ്ത്രീകളെയും സമ്മതിക്കണമെന്നാണ് അക്ഷയ് പറയുന്നത്. അതിനെ അഭിനന്ദിക്കാന്‍ കഴിയണമെങ്കില്‍ എല്ലാവരും ഒരിക്കല്‍ സാരിയുടുത്തു നോക്കണമെന്നാണ് നടന്റെ അഭിപ്രായം. നവംബര്‍ ഒന്‍പതിന് ഡോട്ട്‌സ്റ്റാറിലാണ് ലക്ഷ്മി ബോംബ് റിലീസിനെത്തുന്നത്.
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

543 സീറ്റുകള്‍ മതിയോ, 850 ആക്കണോ? മണ്ഡല പുനര്‍നിര്‍ണയത്തിന് ബിജെപിയുടെ 'ത്രിദിന പദ്ധതി', നാല് ആവശ്യങ്ങളുമായി പ്രതിപക്ഷം

ഇടുക്കിയില്‍ പുരയിടത്തില്‍ നവജാത ശിശുവിന്റെ മൃതദേഹം; മൂന്ന് ദിവസം പ്രായമുള്ള ആണ്‍കുഞ്ഞ്

'നേപ്പാളുമായുള്ള സൗഹൃദത്തെ ഇന്ത്യ വില മതിക്കുന്നു'; കേന്ദ്രമന്ത്രി ജയ്ശങ്കറുമായി കൂടിക്കാഴ്ച നടത്തി ബാലേന്ദ്ര ഷാ

ഗോവന്‍ ചലച്ചിത്ര മേളയില്‍ 'രാമായണ' പ്രദര്‍ശിപ്പിക്കും; ബ്രിക്‌സ് വിഭാഗത്തില്‍ ഉദ്ഘാടന ചിത്രം

മകളുടെ മുന്നിലിട്ട് ഭാര്യയെ വെട്ടിക്കൊലപ്പെടുത്തി; ഭർത്താവ് തൂങ്ങിമരിച്ചു