തിയേറ്ററുകളിൽ മികച്ച അഭിപ്രായം നേടി മുന്നേറുകയാണ് തണ്ണീർ മത്തൻ ദിനങ്ങൾ എന്ന ചിത്രം. സ്കൂൾ കാലഘട്ടവും നിഷ്കളങ്കമായ പ്രണയവുമെല്ലാം ആവിഷ്കരിച്ചിരിക്കുന്ന ചിത്രം എല്ലാ വിഭാ​ഗം പ്രേക്ഷകരുടെയും കൈയ്യടി നേടിയെടുത്തു. ചിത്രത്തിൽ കീർത്തിയായെത്തിയ അനശ്വര രാജന്റെ പ്രകടനം ഏറെ ശ്രദ്ധനേടിയിരുന്നു. ഇപ്പോഴിതാ തമിഴ് സിനിമയിൽ അരങ്ങേറ്റം കുറിക്കാനുള്ള തയ്യാറെടുപ്പിലാണ് അനശ്വര. 

തൃഷ നായികയാകുന്ന എം. ശരവണന്‍ ഒരുക്കുന്ന 'രാങ്കി' ആണ് തമിഴിലെ അനശ്വരയുടെ കന്നി ചിത്രം. തൃഷയ്‌ക്കൊപ്പമുള്ള ഐശ്വര്യയുടെ ചിത്രം ഇതിനോടകം സാമൂഹിക മാധ്യമങ്ങളില്‍ വൈറലായി കഴിഞ്ഞു. എ.ആര്‍ മുരുഗദോസ് തിരക്കഥയൊരുക്കുന്ന ചിത്രം ആക്ഷന്‍ ത്രില്ലർ വിഭാ​ഗത്തിലുള്ളതാണ്. 

മഞ്ജു വാര്യർ ചിത്രം ഉദ്ദാഹരണം സുജാതയിലും ​ഗഭീര പ്രകടനം കാഴ്ചവച്ചിട്ടുണ്ട് അനശ്വര. മഞ്ജുവിന്റെ കഥാപാത്രത്തിന്റെ മകളുടെ വേഷമാണ് അനശ്വര അവതരിപ്പിച്ചത്.