മാലിദ്വീപിലെ നടി തപ്‌സി പന്നുവിന്റെ അവധിയാഘോഷ വിശേഷങ്ങള്‍ ആവേശത്തോടെയാണ് ആരാധകര്‍ ഏറ്റെടുക്കുന്നത്. സ്‌കൂബാ ഡൈവിങ്ങും, സ്വിമ്മിങ് പൂള്‍ ബ്രേക്ക്ഫാസ്റ്റും ഒക്കെയായി ആരെയും കൊതിപ്പിക്കുന്ന ദിനങ്ങളാണ് നടി മാലിദ്വീപില്‍ ചിലവഴിച്ചത്. സഹോദരിമാരായ ഷഗുണും ഇവാനിയയും തപ്‌സിക്കൊപ്പമുണ്ടായിരുന്നു. 

പന്നൂസ് മാല്‍ഡീവ്‌സില്‍ എന്താണ് ചെയ്തത്? ഈ ചോദ്യത്തിനുള്ള ഉത്തരവുമായാണ് തപ്‌സി ഇക്കുറി ആരാധകര്‍ക്കു മുന്നിലെത്തിയിരിക്കുന്നത്. ബിക്കിനിഷൂട്ട് വീഡിയോയാണ് തപ്‌സി പങ്കുവച്ചിരിക്കുന്നത്. സഹതാരങ്ങളടക്കം നിരവധിപ്പേരാണ് വിഡിയോ ലൈക്ക് ചെയ്ത് എത്തിയിരിക്കുന്നത്.

മാലിദ്വീപില്‍ നിന്നുപകര്‍ത്തിയ നിരവധി മനോഹരചിത്രങ്ങളും നേരത്തെ തപ്‌സി പങ്കുവച്ചിട്ടുണ്ട്. ബിക്കിനി ചിത്രങ്ങളും കടല്‍ക്കരയില്‍ ഊഞ്ഞാലാടുന്നതിന്റെയും ചിത്രങ്ങള്‍ ഏറെ വൈറലായിരുന്നു. എന്തായാലും ആരാധകരുടെ മനസ്സ് കീഴടക്കുകയാണ് തപ്‌സിയുടെ വെക്കേഷന്‍ വിശേഷങ്ങള്‍.