ഹൈദരാബാദ് : പ്രശസ്ത സിനിമാനടിമാരായ തമന്ന ഭാട്ടിയ, ലാവണ്യ ത്രിപാഠി എന്നിവർക്കെതിരേ വ്യാജ പ്രചരണം നടത്തിയ യുവാവ് അറസ്റ്റിൽ. 
തെലുങ്ക് യുട്യൂബറായ ശ്രീരാമോജു സുനിഷിതിനെയാണ് പൊലീസ് അറസ്റ്റ് ചെയ്തത്. ലാവണ്യയുടെ പരാതിയിലാണ് പൊലീസ് നടപടി. 

തമന്ന തന്റെ കാമുകിയായിരുന്നു. ലാവണ്യ ത്രിപാഠിയെ താൻ വിവാഹം ചെയ്തു. എന്നാണ്  ഇയാൾ സാമൂഹിക മാധ്യമങ്ങളിലൂടെ അവകാശപ്പെട്ടത്. ലാവണ്യ മൂന്ന് തവണ ​ഗർഭിണിയായെന്നും അബോർഷൻ ചെയ്തുവെന്നും ഇയാൾ പറഞ്ഞു. ഇത് സോഷ്യൽ മീഡിയയിൽ പ്രചരിച്ചതോടെ ലാവണ്യ പൊലീസിൽ പരാതി നൽകുകയായിരുന്നു.

സുജീത്ത് സംവിധാനം ചെയ്ത പ്രഭാസ് ചിത്രം സാഹോയിൽ താനായിരുന്നു നായകൻ ആകേണ്ടിയിരുന്നത് എന്നും ഇയാൾ അവകാശപ്പെടുന്നു. എന്നാൽ പ്രഭാസ് സ്വാധീനം ഉപയോ​ഗിച്ച് തന്റെ വേഷം തട്ടിയെടുത്തുവെന്നും ശ്രീരാമോജു ആരോപിച്ചു. പ്രഭാസിന് പുറമേ മഹേഷ് ബാബുവും തന്റെ സിനിമകൾ തട്ടിയെടുത്തുവെന്നും ഇയാൾ പറഞ്ഞിരുന്നു.