നിത്യാ മേനോന്‍, ഷൈന്‍ ടോം ചാക്കോ എന്നിവര്‍ പ്രധാനവേഷത്തിലെത്തുന്ന ആറാം തിരുകല്പനയിലേക്ക് അഭിനേതാക്കളെ തേടുന്നു. 

നാല് മുതല്‍ അഞ്ച് വയസ് വരെയുളള ആണ്‍കുട്ടികള്‍, 24 മുതല്‍ 35 വയസ് വരെയുള്ള സ്ത്രീകള്‍, 28 മുതല്‍ 40 വയസ് വരെയുള്ള പുരുഷന്മാര്‍ എന്നിവരെയാണ് ക്ഷണിച്ചിരിക്കുന്നത്. വിശദമായ ബയോഡാറ്റയും എഡിറ്റ് ചെയ്യാത്ത ഫോട്ടോകളും അയക്കാനാണ് അണിയറപ്രവർത്തകർ അറിയിച്ചിട്ടുള്ളത്. 

അജയ് ദേവലോക കഥയെഴുതി സംവിധാനം ചെയ്യുന്ന ചിത്രമാണ് ആറാം തിരുകല്പന. ഹൂ എന്ന സിനിമയ്ക്ക് ശേഷം അജയ് ഒരുക്കുന്ന ചിത്രമാണ് ഇത്. ഇന്ത്യന്‍ ഭരണഘടനയുടെ ആര്‍ട്ടിക്കിള്‍ 21ല്‍ പറയുന്ന 'Everyone has the right to life, liberty and the security of person.' എന്നതും, കൊല ചെയ്യരുത് എന്ന ആറാം തിരുകല്പനയും ചേർത്താണ് ചിത്രത്തിന്റെ ഇതിവൃത്തം. ശ്യാം ശ്രീകുമാര്‍ മേനോനാണ് തിരക്കഥ ഒരുക്കുന്നത്. 

ഒക്ടോബര്‍ അവസാനം കോഴിക്കോടാണ് ചിത്രീകരണം തുടങ്ങുന്നത്. മലബാർ പശ്ചാത്തലത്തിൽ നടക്കുന്ന ഒരു മുഴുനീള ക്രൈം ത്രില്ലറാണ് ചിത്രം.