ന്യൂഡല്‍ഹി: സഞ്ജയ് ലീല ബന്‍സാലി സംവിധാനം ചെയ്ത പദ്മാവതിക്ക് സെന്‍സര്‍ ബോര്‍ഡ് ഉപാധികളോടെ സെന്‍സര്‍ സര്‍ട്ടിഫിക്കേറ്റ് നല്‍കിയതിന് പിന്നാലെ വീണ്ടും ഭീഷണിയുമായി തീവ്ര രജപുത്ര സംഘടന കര്‍ണിസേന രംഗത്ത്. ഞങ്ങളുടെ ആളുകള്‍ എല്ലാ തീയറ്ററുകള്‍ക്ക് മുന്നിലുമുണ്ടാകും. ചിത്രം പ്രദര്‍ശിപ്പിക്കുന്ന എല്ലാ തീയറ്ററുകളുഅടിച്ചുപൊളിക്കും. ചിത്രം വിലയിരുത്താനായി തെരഞ്ഞെടുത്ത വിദ്ഗധ സമിതി ചിത്രത്തെ എതിര്‍ക്കുകയാണ് ചെയ്തത്. എന്നാല്‍ അധോലോക സമ്മര്‍ദ്ദം കാരണം സെന്‍സര്‍ ബോര്‍ഡ് ചിത്രത്തിന് സര്‍ട്ടിഫിക്കേറ്റ് നല്‍കുകയായിരുന്നുവെന്ന് രജപുത് കര്‍ണിസേന നേതാവ് സുഖ്‌ദേവ് സിങ് ഗോഘമേദി പറഞ്ഞു.
മൂന്ന് ഉപാധികളോടെയാണ് ചിത്രത്തിന് യു/ എ സര്‍ട്ടിഫിക്കേറ്റ് നല്‍കാന്‍ സെന്‍സര്‍ ബോര്‍ഡ് തീരുമാനിച്ചത്. പദ്മാവതി എന്ന പേര് മാറ്റ് പദ്മാവത് എന്നാക്കണം, വിവാദമായേക്കാവുന്ന ചിത്രത്തിലെ 26 രംഗങ്ങള്‍ നീക്കം ചെയ്യണം, ചിത്രത്തിന് ചരിത്രവുമായി ബന്ധമില്ലെന്ന് എഴുതിക്കാണിക്കണം തുടങ്ങിയവയാണ് നിബന്ധനകള്‍. ഈ നിബന്ധനകള്‍ അംഗീകരിക്കുന്നതായി നിര്‍മ്മാതാക്കള്‍ അറിയിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates