ലോക്ക്ഡൗണിലും ഫോട്ടോഷൂട്ടിന് ഒരു കുറവും വരുത്താത്ത നടിയാണ് അനുശ്രീ. ഇപ്പോൾ ആരാധകരുടെ മനസു കീഴടക്കുന്നത് കല്ലടയാറിന്റെ തീരത്തുനിന്നുള്ള ഒരു ഫോട്ടോഷൂട്ടാണ്. പട്ടുപാവാട അണിഞ്ഞ് നാടൻ ലുക്കിലാണ് താരം. താരം തന്നെയാണ് ചിത്രങ്ങൾ സോഷ്യൽ മീഡിയയിലൂടെ പങ്കുവെച്ചത്. 

നീല നിറത്തിലുള്ള ബ്ലൗസും കസവു കരയുള്ള വെള്ള പാവാടയുമാണ് അനുശ്രീ അണിഞ്ഞിരിക്കുന്നത്. വസ്ത്രത്തിന് മാച്ചാവുന്ന വെള്ളയും നീലയും നിറത്തിലുള്ള കുപ്പിവളകളും കയ്യിൽ അണിഞ്ഞിട്ടുണ്ട്. രസകരമായ അടിക്കുറിപ്പിനൊപ്പമാണ് ചിത്രങ്ങൾ പങ്കുവെച്ചിരിക്കുന്നത്. കൈ നിറയെ പൂക്കളുമായി കല്ലടയാറിൻ തീരത്തു എന്റെ പടയാളികൾക്കൊപ്പം- എന്നാണ് അനുശ്രീ കുറിച്ചത്. 

ലോക്ക്ഡൗണിലും സോഷ്യൽ മീഡിയയിൽ ആക്റ്റീവാണ് താരം. വീട്ടിൽ നിന്നുള്ള ഫോട്ടോഷൂട്ടുകളെല്ലാം വൈറലായിരുന്നു. അതിനിടെ വിവാദങ്ങളിലും താരം നിറഞ്ഞുനിന്നു. വസ്ത്രത്തിന് ഇറക്കം പോരെന്നു പറഞ്ഞാണ് ഒരുവിഭാ​ഗം ചീത്തവിളിയുമായി എത്തിയത്. കൂടാതെ സഹോദരനെക്കുറിച്ച് മോശം പറഞ്ഞതിനെ വിമർശിച്ചുകൊണ്ടും അനുശ്രീ രം​ഗത്തെത്തിയിരുന്നു.