Today's Rashi Phalam October 23 | ദീർഘകാലമായി പ്രതീക്ഷിച്ച വാർത്ത എത്തിച്ചേരും, മാറ്റിവച്ച കാര്യം പൂർത്തിയാക്കും

മേടം (അശ്വതി, ഭരണി, കാർത്തിക ¼)

കോടതിയിലോ ഔദ്യോഗിക ഓഫീസിലോ കെട്ടിക്കിടന്ന കാര്യം മുന്നോട്ടുനീങ്ങും. പൊതുപ്രവർത്തവർക്ക് പുതിയ ഉത്തരവാദിത്വം ലഭിക്കും. കുടുംബ ജീവിതം സന്തോഷകരമാണ്.

ഇടവം (കാർത്തിക ¾, രോഹിണി, മകയിരം ½)

ചെറുകിട വ്യവസായത്തിൽ ഏർപ്പെട്ടവർക്ക് ഉൽപന്നങ്ങൾ വിപണിയിലെത്തിക്കാൻ പുതിയ വഴി തുറക്കും. ഇൻഷുറൻസ് സംബന്ധമായ നടപടികൾ പൂർത്തിയാക്കാൻ കഴിയും.

മിഥുനം (മകയിരം ½, തിരുവാതിര, പുണർതം ¾)

പ്രസിദ്ധീകരണത്തിനായി നൽകിയ രചനകൾക്ക് അനുകൂല പ്രതികരണം ലഭിക്കും. പരിശീലന പരിപാടികളിൽ പങ്കെടുക്കുന്നവർക്ക് പ്രയോജനകരമായ പരിചയങ്ങൾ ഉണ്ടാകും.

കർക്കടകം (പുണർതം ¼, പൂയം, ആയില്യം)

കെട്ടിടനിർമാണതിൽ പുരോഗതിയുണ്ടാകും. വളർത്തുമൃഗങ്ങളുടെ കാര്യങ്ങളിൽ കൂടുതൽ ശ്രദ്ധ ആവശ്യമായി വരും. ദീർഘകാലമായി പ്രതീക്ഷിച്ചിരുന്ന ഒരു വാർത്ത എത്തിച്ചേരും.

ചിങ്ങം (മകം, പൂരം, ഉത്രം ¼)

സംഘടനകളിൽ പ്രവർത്തിക്കുന്നവർക്ക് നേതൃപരമായ ചുമതല ലഭിക്കും. പൊതുപരിപാ ടിയുടെ നടത്തിപ്പിൽ നിങ്ങളുടെ അഭിപ്രായത്തിന് പരിഗണന ലഭിക്കും. വരുമാനം വർദ്ധിക്കും.

കന്നി (ഉത്രം ¾, അത്തം, ചിത്തിര ½)

സാങ്കേതിക പരിശീലനം പൂർത്തിയാക്കിയവർക്ക് കഴിവ് തെളിയിക്കാനുള്ള അവസരം ലഭിക്കും. നികുതി, പെൻഷൻ തുടങ്ങിയ രേഖകളിൽ ആവശ്യമായ തിരുത്തലുകൾ വരുത്തും.

തുലാം (ചിത്തിര ½, ചോതി, വിശാഖം ¼)

ഫോട്ടോഗ്രഫി, രൂപകൽപന, കരകൗശലം തുടങ്ങിയ മേഖലകളിൽ പ്രവർത്തിക്കുന്നവർക്ക് ശ്രദ്ധേയ അവസരം ലഭിക്കും. പഴയ കടബാധ്യതയുടെ തിരിച്ചടവ് ക്രമീകരിക്കാൻ സാധിക്കും.

വൃശ്ചികം (വിശാഖം ¾, അനിഴം, തൃക്കേട്ട)

കൃഷിയുമായി ബന്ധപ്പെട്ടവർക്ക് ഉൽപന്നങ്ങളുടെ വിപണനത്തിൽ നേട്ടമുണ്ടാകും. കുടുംബ രേഖക ൾ ക്രമപ്പെടുത്തി സൂക്ഷിക്കുക. മാറ്റിവച്ചിരുന്ന വ്യക്തിപരമായ കാര്യം പൂർത്തിയാക്കും.

ധനു (മൂലം, പൂരാടം, ഉത്രാടം ¼)

അധ്യാപനം, പരിശീലനം തുടങ്ങിയ മേഖലകളിൽ പ്രവർത്തിക്കുന്നവർക്ക് പുതിയ ചുമതല ലഭിക്കും. അനാവശ്യ വാക്കുതർക്കങ്ങളിൽ ഇടപെടാതിരിക്കുന്നത് ഗുണകരമാകും.

മകരം (ഉത്രാടം ¾, തിരുവോണം, അവിട്ടം ½)

വാടകയ്ക്ക് നൽകിയ കെട്ടിടവുമായി ബന്ധപ്പെട്ട കാര്യങ്ങളിൽ വ്യക്തത വരും. അധിക വരുമാനം കണ്ടെത്താൻ ശ്രമിക്കും. വിലപ്പെട്ട വസ്തുക്കൾ സുരക്ഷിതമായി സൂക്ഷിക്കണം.

കുംഭം (അവിട്ടം ½, ചതയം, പൂരുരുട്ടാതി ¾)

സന്നദ്ധസംഘടനകളുടെ പ്രവർത്തനങ്ങളിൽ പുതിയ ചുമതല ലഭിക്കും. ഒരു പ്രശ്നത്തിൽ മധ്യസ്ഥത വഹിക്കേണ്ടി വരും. മത്സരങ്ങളിൽ പങ്കെടുക്കുന്നവർക്ക് പരിശീലകരുടെ പ്രോത്സാഹനം ലഭിക്കും.

മീനം (പൂരുരുട്ടാതി ¼, ഉത്രട്ടാതി, രേവതി)

പാചകം, ഭക്ഷ്യസംസ്കരണം തുടങ്ങിയ മേഖലകളിൽ പ്രവർത്തിക്കുന്നവർക്ക് പുതിയ വിപണന സാധ്യത തെളിയും. മുടങ്ങിക്കിടന്ന കലാപരിശീലനം പുനരാരംഭിക്കാൻ സാഹചര്യമൊരുങ്ങും.